Memleket basshysy Qasym-Jomart Toqaev 2020 jyly «Jańa jaǵdaıdaǵy Qazaqstan: is-qımyl kezeńi» atty Joldaýynda ǵylym salasyn damytý boıynsha naqty tapsyrmalar bergen bolatyn.
«Úkimetke jyl saıyn álemniń jetekshi ǵylymı ortalyqtarynda 500 ǵalymnyń taǵylymdamadan ótýin qamtamasyz etýdi, sondaı-aq, «Jas ǵalym» jobasy aıasynda zertteý júrgizý úshin 1000 grant bólýdi tapsyramyn», degen bolatyn Memleket basshysy.
«Álemniń jetekshi ǵylymı ortalyqtarynda taǵlymdamadan ótý úshin ǵalymdarǵa bólingen 500 grantty, sondaı-aq, «Jas ǵalym» jobasy boıynsha jas ǵalymdarǵa arnalǵan 1000 grantty qarjylandyrý mehanızmderi anyqtaldy. Ǵalymdarǵa taǵlymdamadan ótýge bólingen 500 grantty qarjylandyrý úshin 1,35 mlrd teńge kóleminde bıýdjettik ótinim qabyldandy», dep jazylǵan Prezıdenttiń baspasóz hatshysy usynǵan málimette.
Budan bólek taǵylymdamadan ótý erejeleri pysyqtalyp, úmitkerlerdi irikteýdiń talaptary ázirlengeni jaıynda aıtylǵan. Sondaı-aq taǵylmdamadan ótkisi keletin 1000 jas ǵalymnyń málimetter qory jasaqtalǵany jáne «Jas ǵalym» jobasy aıasynda baıqaýdy qarjylandyrýǵa 3 mlrd teńge bólý maquldanǵany jaıly jazylǵan.
Berik Ýálıdiń deregi boıynsha, eki tapsyrma da oryndalǵan.
