Sochı Olımpıadasynda Reseı sportshylary medaldar sanyn asyra túsýdi basty maqsat etip, alǵa qoımaıdy. Muny Reseı Olımpııalyq komıtetiniń prezıdenti Aleksandr Jýkov ITAR-TASS tilshisine bergen suhbatynda aıtty.
Sochı Olımpıadasynda Reseı sportshylary medaldar sanyn asyra túsýdi basty maqsat etip, alǵa qoımaıdy. Muny Reseı Olımpııalyq komıtetiniń prezıdenti Aleksandr Jýkov ITAR-TASS tilshisine bergen suhbatynda aıtty.
«Bizdiń medaldar jóninde aldyn ala mólsherlep otyrǵan josparymyz joq, – dedi ol. – Biraq bul «basty maqsat – qatysý» degen qaǵıdatty da bildirmeıdi. Jurt Olımpııalyq oıyndarǵa bir-birin qyzyqtap kórý úshin nemese ózderin jáı kórsetip qaıtý úshin emes, básekeniń kórigin qyzdyryp, jarysqa jalyn qosý úshin barady. Al qandaı da bir dodanyń túpki nátıjesi ondaǵy alynǵan oryndarmen ólshenedi».
Osy oraıda Jýkov daıyndyqtyń jalpy jospary jasalyp qoıylǵanyn, ol boıynsha árbir salanyń belgili bir nátıjege esep jasaǵanyn baıandady. Biraq ol qalaıda jeńiske jetý úshin barlyq tásilder men aılalardy iske qosýǵa negiz bola almaıdy. Barlyq jarys joldary men aıdyndarda ádildik saltanat quratyn taza kúres júrýi tıis. Prezıdent sonymen qatar, Reseı sportshylarynyń munyń aldyndaǵy Vankýverde ótken Olımpııalyq oıyndardan tómen bolýy yqtımaldylyǵy týraly suraqqa: «Ol múlde múmkin emes», – dep naqty jaýap berdi.
Kezdesýde olımpııalyq nyshandardy paıdalaný jaıy da sóz boldy. Oıyn kezinde olardyń barlyq quqyǵy Halyqaralyq olımpııalyq komıtette bolady. Sebebi, Olımpıadanyń ıesi – osy komıtet. «Olımpııalyq oıyndardy Reseı ótkizbeıdi. Olımpıadanyń ıesi – Halyqaralyq olımpııalyq komıtet. Bizge tek Oıyndardy óz jerimizde ótkizý quqyǵy ǵana berilgen», – dedi Jýkov sóziniń sońynda.
Damır QOJAMQUL.
