Bes jylda 119 sý arnasy sıfrlanady

О́z sózinde mınıstr Memle­ket basshysy Qasym-Jomart Toqaev sý salasyn damytý máseleleri­ne kóp kóńil bóletinin atap ótti. Bir­qatar mańyzdy strategııalyq mindetter qoıylǵanyn eske saldy. Máselen, Prezıdent sýarmaly jer kólemin 2030 jylǵa deıin qazirgi 1,6 mln gektardan 3 mln gektarǵa deıin ulǵaıtý jóninde tapsyrma berdi. Sondaı-aq apatty sý qoımalaryn qalpyna keltirý, kanaldardy sıfrlandyrý, toptyq sý qubyrlaryn salý qarastyrylǵan.

– Sizder sý resýrstaryn utymdy paıdalaný men qor­ǵaýdyń qazirgi zamanǵy teh­no­logııalaryn qoldana otyryp, ony bolashaq urpaq úshin saqtaý maqsatyndaǵy mem­le­kettik saıasatty tıimdi iske asy­ryp kelesizder. О́tken jyly 813 shaqyrym kanal qaı­ta jańartyldy. Bul 53,5 myń gektar sýarmaly jerdi aına­lymǵa engizýge, 26 myń ju­mys ornyn qurýǵa jáne aýyl sharýa­shylyǵy óniminiń kólemin 30 mlrd teńgeden astam somaǵa ul­ǵaıtýǵa múmkindik berdi. Bıyl 78 myń gektar sýarmaly jerdi aınalymǵa engizý úshin 1 050 sha­qyrym ırrıgasııalyq jelini qal­pyna keltirý josparlanǵan. Bul jyl saıyn 66 mlrd teńgeniń aýyl sharýashylyǵy ónimderin óndirýge jáne 16 myń turaqty jumys ornyn qurýǵa múmkindik beredi, – dedi vedomstvo basshysy.

Sondaı-aq mınıstr sý­dy sapaly jáne tıimdi paıdalaný maq­satynda 2020 jyly Túrkistan oblysynda uzyndyǵy 12 shaqyrym ma­gıstraldyq arnany sıfr­landyrý boıynsha qanatqaqty joba iske asyrylǵanyn eske saldy. Bul sýarmaly sýdyń artyq shyǵynyn anyqtaýǵa múmkindik berdi. Aldaǵy 5 jyl ishinde uzyn­dyǵy 2,8 myń sha­qyrym­nan asatyn 119 arnany sıfrlandy­rý josparlanyp otyr.

Saltanatty jıynda sý sha­­rýashylyǵynyń qyz­­met­­ker­leri «Sý sharýashy­ly­­ǵynyń ardageri», «Sý sharýa­shy­lyǵynyń úzdigi» syndy tós­bel­gilerge ıe bolyp, Qurmet gra­motasymen marapattaldy.