Kúnnen-kúnge qatary seldirep bara jatqan soǵys jáne eńbek ardagerlerine qandaı qurmet kórsetsek te artyq emes qoı. Batys Qazaqstan oblysynyń basshylyǵy da keýdelerin oq tesken qart maıdangerlerdi bir sát esten shyǵarmaı, árkez óziniń oryndy syı-qurmetin kórsetip keledi. О́tken Jańa jyl qarsańynda da sondaı aǵa býyn ókilderine arnaıy quttyqtaý hat joldanyp, izgi tilekter jetkizildi.
Kúnnen-kúnge qatary seldirep bara jatqan soǵys jáne eńbek ardagerlerine qandaı qurmet kórsetsek te artyq emes qoı. Batys Qazaqstan oblysynyń basshylyǵy da keýdelerin oq tesken qart maıdangerlerdi bir sát esten shyǵarmaı, árkez óziniń oryndy syı-qurmetin kórsetip keledi. О́tken Jańa jyl qarsańynda da sondaı aǵa býyn ókilderine arnaıy quttyqtaý hat joldanyp, izgi tilekter jetkizildi.
Solardyń qatarynda qasıetti de kıeli Orda topyraǵynyń túlegi, búgin toqsannyń tórine shyǵatyn qart jaýynger Kamal ata Narbolov ta bar. Oblys basshylyǵynyń atalmysh Jańa jyldyq quttyqtaý sálem hatyn «Nur Otan» partııasy oblystyq fılıaly tóraǵasynyń birinshi orynbasary Tilegen Arystanbekov pen Saıqyn aýyldyq okrýginiń ákimi Bısenbek Nasımollın Kamal atanyń shańyraǵyna arnaıy baryp tabystap, ol kisige bala-shaǵasy men nemere-shóberesiniń qyzyǵyn kóre berýge izgi tilektestikterin jetkizdi. Ári toqsanǵa tolyp otyrǵan mereıtoıymen quttyqtap, sonaý bir qıyn-qystaý kúnderde kórsetken erlik isteri urpaqqa úlgi-ónege bolyp qala beretindigin aıtty.
Otan soǵysynyń ardageri Kamal ata – japon samýraılaryn talqandaýǵa qatysyp, «Seısen» operasııasynda da erekshe kózge túsken jaýynger. Soǵystan keıin ol týǵan topyraǵy – Orda aýylyndaǵy mehanızasııa mektebinde uzaq jyl ustazdyq etken elge syıly qarııa.
Aıta ketelik, «Úlkenge – qurmet, kishige – izet» degendeı, ómirde óz oryndary bar taǵy bir top eńbek ardagerine kúni keshe aýdandyq máslıhat sessııasynyń arnaıy sheshimimen Bókeı Ordasy aýdanynyń «Qurmetti azamaty» ataǵy berildi. Aýdan ákimdiginde ótken alqaly jıynda aýdan basshysy Nurlan Rahymjanov, sondaı el qurmetine bólengen Noqash Qadymov, Iran Dáýlenov, Saqtar Haırollın, Nurhat Sháripqalıev jáne Bolat Luqpanovqa arnaıy kýálik pen tósbelgini óz qolymen tabystap, osynaý el aǵalarynyń qaı kezde de mereıleri ústem bola berýlerine izgi tilektestigin bildirdi.
Temir QUSAIYN,
«Egemen Qazaqstan».
Batys Qazaqstan oblysy,
Bókeı Ordasy aýdany.
