Aımaqtar • 14 Shilde, 2021

Almaty jastary úshin IT mamandyqtaryna tegin oqytatyn baǵdarlama bastalady

50 ret kórsetildi

Megapolıs ákimi Baqytjan Saǵyntaev «Almaty» TA-daǵy Akimat LIVE baǵdarlamasynyń tikeleı efırinde qalalyqtardyń suraqtaryna jaýap bere kele, IT salasynda suranysqa ıe mamandyq alýdyń jáne jumysqa ornalasýdyń jańa múmkindikteri týraly baıandady, dep habarlaıdy Egemen.kz.

Tehnıkalyq joǵary oqý ornynyń 4 kýrs stýdenti B. Saǵyntaevtan taǵylymdamadan ótý jáne jumysqa ornalasý múmkindigi týraly surady. Al qala ákimi tegin oqytý baǵdarlamasynyń bastalatyny týraly aıtty.

«15 shildeden bastap, biz Home Credit Bank-inde jas IT mamandaryna arnalǵan avtorlyq oqytý jáne taǵylymdamadan ótý baǵdarlamasy negizinde pılottyq jobany bastaımyz», dedi B. Saǵyntaev.

Home Credit University birge árbir talantty adamǵa jańa deńgeıge kóterilýge múmkindik beriledi. Kýrs aıasynda «Bıznes analıtıka» baǵytynda ORACLE (PL SQL), Power BI derekqorlaryn jáne basqa da suranysqa ıe tetikterdi paıdalanýǵa bolady.

Testileý kezeńi – bıylǵy jyldyń 15 shildesinen 15 tamyzyna deıin. Oqý formaty – onlaın. Baǵdarlamaǵa ekonomıkalyq jáne tehnıkalyq mamandyqtardyń 3-4 kýrsynyń stýdentteri qatysa alady. Qatysý úshin Biryńǵaı kommýnıkasııalyq keńistiktiń (https://ekp.digital-almaty.kz/) saıtynda anketa toltyrý kerek; onlaın testileýden ótýge jáne oqýdy bastaýǵa bolady.

Kýrstyń ár stýdenti Home Credit University-niń sertıfıkatyn alady, al emtıhandardy úzdik tapsyrǵandar taǵylymger jáne shtattaǵy qyzmetker retinde «Hoým Kredıt Bankiniń» úlken otbasynyń bir múshesi bola alady.

Sondaı-aq, bıylǵy jyldyń qyrkúıek aıynan bastap Almaty ákimi resmı túrde Biryńǵaı kommýnıkasııalyq keńistikti tolyq ashady, oǵan úzdik ýnıversıtetter – QBTÝ, SDÝ, KIMEP, ál-Farabı atyndaǵy QazUÝ, ATÝ, Alma Ýnıversıteti, Sátbaev Ýnıversıteti, MÝIT enedi.

Birneshe jyl ishinde AT talanttaryn tartýǵa arnalǵan ekojúıe qurý josparlanýda, bul qala deńgeıinde bilikti jáne beıimdelgen mamandardy tárbıeleýge múmkindik beredi. Sonymen qatar, bıznestiń tikeleı kommýnıkasııasy jáne bilim berý klasteri esebinen kadrlyq resýrsty arttyrý mindeti de sheshilmek.

Sońǵy jańalyqtar

«Jasyl» aımaqta birde-bir óńir qalǵan joq

Koronavırýs • Búgin, 09:55

«Pfizer» vaksınasyn qansha adam saldyrdy

Koronavırýs • Búgin, 09:32

Uqsas jańalyqtar