Osyǵan baılanysty QR Parlamenti Májilisiniń depýtaty, májilistegi fraksııa múshesi Gennadıı Shıpovskıh, «Nur Otan» partııasy Ortalyq apparatynyń qyzmetkeri Gúlnar Nurahmethanova jáne partııa atynan Qarmaqshy aýdanyndaǵy Aqaı aýyly ákimdigine úmitker Elmıra Qazıeva turǵyndarmen kezdesti.
Karantın talaptaryna saı aýyldyq klýb aldynda ótken kezdesýge aýyl turǵyndary, aqsaqaldar, jastar jınaldy.
Kezdesýde G.Shıpovskıh partııanyń saılaýaldy baǵdarlamasynyń Jol kartasy negizinde atqarylyp jatqan jáne júzege asyrylǵan jumystarǵa toqtalyp ótti.
- Partııanyń 5 jylǵa arnalǵan saılaýaldy baǵdarlamasynda bul aýylǵa qatysty da biraz jańalyq bar. Qazir oblys boıynsha Jol kartasynda jobalanǵan jumystardyń 16% júzege asyrylyp otyr. Atap aıtar bolsam, 6000 ǵa jýyq turǵyny bar Aqaı aýyldyq okrýgindegi elektr jelilerin keńeıtý jáne qaıta jańǵyrtý júzege asyp, onyń ıgiligin el kórýde, - dedi depýtat.
Kezdesýge aldaǵy ótetin aýyl ákimderiniń tikeleı saılaýynda Aqaı aýyldyq okrýgi ákimdigine «Nur Otan» partııasynan úmitker Elmıra Qazıeva jerlesterine óziniń saılaýaldy baǵdarlamasyn jan-jaqty tanystyrdy.
Úmitker okrýg ákimi laýazymyna saılanǵan jaǵdaıda alǵan bilimi men ómirden jınaqtaǵan is-tájirıbesin aýyldastarynyń ál-aýqatyn, turmys-tirshiligin jaqsartý úshin jáne sharýashylyq qurylymdarynyń ekonomıkalyq nyǵaıýyna jumsaıtynyn aıtty. Halyqtyń buqaralyq sportpen aınalysýyna, aýyldaǵy mádenıettiń damýyna múmkindik jasap, jastardyń bos ýaqytyn tıimdi paıdalanatyn is-sharalardyń uıymdastyrylýyna, partııalyq jobalardyń júzege asýyna jáne jumyssyz jastardyń ómirden óz jolyn tabýyna yqpal etetin jetkizdi.
Kezdesý barysynda aýyl turǵyndary ózderiniń talap-tilekteri men usynystaryn aıtty.
