Elorda • 16 Shilde, 2021

Bıyl Nur-Sultanda qaı eldi mekender gazdandyrylady?

24 ret kórsetildi

Nur-Sultan qalasynyń ákimi Altaı Kólginov Instagram paraqshasynda elordanyń eldi mekenderin gazdandyrý barysy týraly aıtty, dep jazady Egemen.kz

«Kúzde taǵy jeti eldi mekendi gazben qamtamasyz etemiz. Ońtústik-Shyǵys (Iýgo-Vostok) eldi mekeni tolyqtaı gazben qamtylady. Biz syrtqy jelilerdi júrgizgennen keıin turǵyndar úıdiń ishine júrgizip, qajetti jabdyqtardy satyp alýy kerek jáne t.b. Osydan keıin kómir satyp alý, ony saqtaý, sapasy sekildi problemalardy oılaýdyń qajeti bolmaıdy. 

Qalany aralaý barysynda Ońtústik-Shyǵys eldi mekenin gazdandyrý barysymen tanystym. Mysaly, 8-shi iske qosý kesheni boıynsha qurylys-montajdaý jumysy 95%-ǵa aıaqtaldy. Nátıjesinde 90 km gaz taratý jelisi salyndy. Bul aýmaqqa Promyshlennyı, Ońtústik-Shyǵys (sol jaǵy), Ońtústik-Shyǵys eldi mekeniniń oń jaǵynyń bir bóligi kiredi. Qazirgi ýaqytta gaz qubyryn synaý jumystary júrgizilýde. 

Sonymen qatar, 9-shy iske qosý kesheniniń qurylysy boıynsha jumystar júrgizilýde. Bul – Ońtústik-Shyǵystyń negizgi aýmaǵy (oń jaǵy). Onda 90 km gaz taratý jelisiniń 65 shaqyrymy salyndy. Osylaısha aldaǵy jylytý maýsymynda Ońtústik-Shyǵys turǵyndary gazǵa qosyla alady. Bul shamamen 4 myń úı. 

150-ge jýyq úı ornalasqan «Qazaqaýyl» (Qaraótkel) shaǵyn aýdanyn gazdandyrýǵa qatysty jobalaý-smetalyq qujattama ázirlenip jatyr. 

О́tken aıda Kóktal-1 gazben qamtamasyz etildi. Bul eldi mekenniń ózinde taǵy 2600 úı gazǵa qol jetkizdi. Endi turǵyndar jelini úıiniń ishine ótkizýi kerek.

Sonymen qatar Agroqalashyq (2020 jyly gazǵa qosylmaǵan bóligi), Promyshlennyı eldi mekenderinde gaz taratý jelilerin salýdy jalǵastyramyz. Sondaı-aq, «QazTransGaz Aımaq» AQ Kúıgenjar, Mıchýrıno, Internasıonalnyı eldi mekenderinde gazben jabdyqtaý jelileriniń qurylysyn júrgizýde. Atalǵan eldi mekenderdiń turǵyndary jańa jylytý maýsymynda gazǵa qosyla alady. 

О́tken jylytý maýsymynda Temirjolshylar, Kóktal-2, Agroqalashyqtyń (bir bóligi) turǵyndary gazǵa qosyldy. 345 km kvartalishilik jeli salyndy.

Bıyl barlyǵy 317 km gaz taratý jelisin salamyz, onyń 220 shaqyrymnan astamy salyndy.

Gazdandyrý – Elbasynyń aýqymdy jobasy. Bul joba ekologııany aıtarlyqtaı jaqsartýǵa múmkindik beredi. Sebebi jer úıler kómir jaqpaıdy, qala turǵyndarynyń ómir súrý jaǵdaıy jaqsarady, qaýipsizdik artady jáne t.b. 

Gazdandyrý prosesi Memleket basshysynyń baqylaýynda», dep jazdy elorda ákimi.

Sońǵy jańalyqtar

Kabýlda jarylys boldy

Oqıǵa • Búgin, 17:08

Otandyq fılmderdiń úlesi artady

Qazaqstan • Búgin, 16:20

Almatyda baqylaý kúsheıtildi

Koronavırýs • Búgin, 14:08

Aqsha emes, abyroı qymbat

Boks • Búgin, 13:04

Kúrshim ózeni de lastana bastady

Ekologııa • Búgin, 12:38

Tiliksiz ota jasaldy

Medısına • Búgin, 12:20

Uqsas jańalyqtar