Aımaqtar • 17 Shilde, 2021

Jaıyq ózenine bekireniń 100 myń shabaǵy jiberildi

292 ret kórsetildi

Atyraýda Jaıyq ózenine bekire tuqymdas balyqtyń 100 myń shabaǵy jiberildi. Bıyl «Caspian Royal Fish» JShS toǵandarda bekire tuqymdas balyqtardyń shabaǵyn ósire bastady. Shabaqtar salmaǵy – 3-10 gramm, dep jazady Egemen.kz.

Oblystyq balyq sharýashylyǵy basqarmasynyń basshysy Artýr Sádibekulynyń aıtýynsha, bul – seriktestiktegi úsh toǵannyń birinen jiberilgen shabaqtar.

«Mańǵystaý oblysynyń tabıǵat paıdalanýshylarymen kelisimshart jasalǵan bolatyn. Sonyń biri – «Aktaý-Balyk LTD» JShS Jaıyq ózenine bekire tuqymdas balyqtardyń shabaq jiberýge qoldaý bildirdi. Osylaısha, biz óńirdegi sý aıdynyn bekire tuqymdas balyqtardyń qorymen tolyqtyrýǵa úles qosýdy kózdedik» deıdi basqarma basshysy Artýr Sádibekuly.

Atalǵan seriktestiktiń zaýytyna 2014 jyly Bashqurtstannan 15 myń bekire tuqymdas balyq ákelingen. Polshadan orys bekiresiniń 100 myń dana ýyldyryǵy alynyp, zaýyttaǵy basseınderde ósiriýde. Alty jylda balyqtardyń salmaǵy 8-9 kelige jetken.

Qazir seriktestiktiń zaýytynda baǵaly bekire balyqtarynyń tórt túri – orys bekiresi, súırik, qorytpa men sibir bekiresi ósiriledi.

«Bizdiń seriktestikpen birneshe tabıǵat paıdalanýshy tyǵyz baılanys ornatty. Onyń ishinde «Jýmamýratov K.E.», «Shabarov V.A.», «Samarov A.V.», «Invalıdy voıny v Afganıstane», «Mıkor», «Rozenko V.V.», «Tolqyn», «AN-grýpp», «Kolesnık S.V.», «Taýshyq aýyl sharýashylyǵy», «Batys Mýnaı Trans», «Isataı Opereıtıng Kompanı» jáne «Aktaý balyk kompanı» seriktestikteri bar. Búgin osy seriktestikter men oblystyq  balyq sharýashylyǵy basqarmasynyń ókilderinen qurylǵan komıssııa músheleri shabaqtardyń sanyn eseptedi. Sodan soń, shabaqtar Jaıyq ózenine jiberildi» deıdi «Caspian Royal Fish» JShS-niń  bas balyq ósirýshisi Ahat Nımatov.

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Almaty qalasy «sary» aımaqta

Koronavırýs • Búgin, 10:28

Uqsas jańalyqtar