Keshe Túrkııa úkimeti eldiń 16 provınsııasynda polısııa bastyqtaryn oryndarynan aldy. Bul týraly ITAR-TASS agenttigine silteme jasaǵan Ras.kz habarlady.
Túrkııa ishki ister mınıstrliginiń buıryǵymen qyzmetten shettetilgender arasynda Ankara, Antalıa, Izmır jáne Dııarbakyr polısııa basqarmalarynyń bastyqtary bar bolyp shyqty.
Dúısenbiden seısenbige deıin polısııa qatarynda keń aýqymdy tazalaý júrgizildi. Osy dúrmekte 350-den astam polısııa qyzmetkeri oryndarynan alyndy nemese tómengi qyzmetterge jiberildi. Bulardyń arasynda jemqorlyqpen jáne aqsha aınalymy máselelerimen aınalysatyn ýákilder de boldy.
Quqyq qorǵaý organdaryndaǵy bul tazalaý úkimettiń olar ótken jylǵy 17 jeltoqsanda joǵary jaqpen kelispeı, óz betterinshe qupııa júrgizgen «Úlken para» operasııasyna qaıtarǵan jaýaby bolyp tabylady. Sol joly polısııa 50-den astam sheneýnikti, bank qurylymdary qyzmetkerlerin, sondaı-aq úsh mınıstrdiń ulyn qamaýǵa alǵan bolatyn.
Nátıjesinde premer-mınıstr Taııp Erdoǵan Mınıstrler kabınetindegi 10 músheniń oryndaryn aýystyryp, biraz kadrlyq ózgerister jasaýǵa májbúr bolǵan. Túrik lıderi sonda bul jemqorlyqqa qarsy operasııany «úkimetti qulatýǵa baǵyttalǵan arandatý» dep baǵalaǵan edi. Ol «memlekettiń ishinde memleket qurylýyna jol bermeıtinin» málimdep, jaǵdaıdy óz baqylaýynda ustap turatynyna senim bildirdi. Onyń 17 jeltoqsannan bergi tazalaý naýqany barysynda quqyq qorǵaý organdarynyń júzdegen qyzmetkerleri oryndarynan ketken-di.
Budan bólek, jemqorlyqqa qatysty janjaldan keıin bıleýshi partııanyń 5 depýtaty parlamentten shyqty.
Aıdar О́risbaev.
Derekkóz: Ras.kz
Foto: ewsfiber.com
