Atyraý oblystyq qurylys basqarmasy basshysynyń mindetin atqarýshy Zaınolla Manenovtiń aıtýynsha, 2012 jyldan beri qurylysy toqtaǵan konsert zaly men monsha-saýyqtyrý keshenin «Atyraý» áleýmettik-kásipkerlik korporasııasy» AQ-nyń balansyna berý rásimi qolǵa alynǵan.
«Aldaǵy ýaqytta konsert zaly saýda-oıyn-saýyq ortalyǵy retinde qaıta jańǵyrtylady. Investor jobanyń quny men tehnıkalyq parametrlerin esepteıdi. Al, saýyqtyrý-monsha kesheniniń bastapqy maqsatyn ózgertý ınvestormen kelisilgennen keıin belgili bolady», deıdi Zaınolla Mánenov.
Oblys ákiminiń orynbasary Qaırat Bekenovtiń málimetine súıensek, bul nysandardyń qurylysyn jalǵastyrý úshin bıýdjetten qarjy bólinbeıdi. Buǵan «Atyraý» ÁKK» AQ arqyly ınvestorlardyń qarjysy tartylmaq.
