Bul týraly Qytaıdyń CGTN arnasy málimdedi.
Mýzeı Lıngangtyń eksperımenttik erkin saýda aımaǵynda ornalasqan jáne shamamen 58,6 myń sharshy metrdi alyp jatyr. Astronomııalyq mýzeıde Aıdan ákelingen 70-ke jýyq meteorıt, Mars jáne Vesta asteroıdy, sonymen qatar Nıýton, Galıleı jáne Keplerdiń jumystary bar 120-dan asa mádenı jádigerler jıyntyǵy bar.
Qytaıdyń Chang'e-5 aı zondymen jetkizilgen aı topyraǵynyń bir bóligi de kópshilikke usynylady. Mýzeı ınnovasııalyq sáýletimen, túrli taqyryptaǵy kórme alańdarymen, ımmersıv tehnologııasymen jáne qundy kolleksııalarymen erekshelenedi.
Syrtqy jaǵynan qaraǵanda, keshen fantastıkalyq fılmderdegi úlken ǵarysh kemesine uqsaıdy. Negizgi ǵımarattyń aınalasyndaǵy jaıaý júrginshiler joldary galaktıkalyq spıral syzyǵyna uqsas etip salynǵan. Planetarııdiń qurylysynda ekologııalyq taza materıaldar qoldanylǵan.
Kúndiz kelýshiler Sıhe munarasyndaǵy optıkasy bar teleskop arqyly kúndi tamashalaı alady jáne kún daqtarynyń sýretterin ajyratyp, anyq kóre alady.
