Koronavırýs • 21 Shilde, 2021

Áskerı medısına qyzmetkerleri aýdandarǵa jiberilýi múmkin

35 ret kórsetildi

Qazaqstanda koronavırýspen kúresýge azamattyq uıymdarmen qatar armııa da atsalysady. Bul týraly QR Qorǵanys mınıstrliginiń resmı saıty habarlady, dep jazady Egemen.kz

Qazirgi ýaqytta Qazaqstannyń Qarýly Kúshterinde COVID-19-ben kúresý jáne indettiń jeke quram arasynda taralmaýyn boldyrmaý úshin barlyq jaǵdaı jasalyp jatyr. Áskerı bólimder men mekemelerge qajetti qorǵanys quraldary jáne medısınalyq múlikter berilip, epıdemııaǵa qarsy jáne sanıtarlyq-profılaktıkalyq is-sharalar ótkizilýde. Mamandar jeke quramnyń densaýlyǵyna únemi monıtorıng júrgizedi.

Jeke quramnyń 99%-y koronavırýsqa qarsy vaksınanyń birinshi dozasyn, 92%-ǵa jýyǵy ekinshi dozasyn aldy.

Sonymen birge áskerı dárigerler azamattyq uıymdarda qyzmet atqaratyn áriptesterine kómekke kelýge ázir. Aǵymdaǵy jyldyń sáýir aıynan bastap Almaty men Nur-Sultanda áskerı gospıtaldar ázirlendi. Elordadaǵy Bas áskerı klınıkalyq gospıtali shilde aıynan bastap koronavırýspen syrqattanǵandardy emdeýdi bastady.

– Almaty, Taldyqorǵan jáne Úsharaldaǵy úsh áskerı-emdeý mekeme azamattardy qabyldaýǵa ázir. Jaǵdaıy aýyr naýqastar úshin jansaqtaý bólimsheleri daıyn. Olar ókpeni jasandy jeldetý apparattarymen, pýlsoksımetrlermen, ottegi konsentratorlarymen jáne basqa da jabdyqtarmen jabdyqtalǵan, – dep habarlady QR QK Bas áskerı-medısınalyq basqarmasy sanıtarlyq-epıdemıologııalyq qadaǵalaý basqarmasynyń bastyǵy polkovnık Álbek Manabaev.

Sanıtarlyq-epıdemıologııalyq ortalyqtyń eki fılıaly –  «Astana» men «Batysta» mamandardyń sany artyp, quramyna epıdemıolog, vırýsolog, bakterıolog pen zerthanashylar engizildi.

Aıagóz, Taldyqorǵan,  Saryózek jáne Semeıdiń áskerı gospıtaldarynda qosymsha tórt ınfeksııalyq ızolıator jumys isteıdi.

Nur-Sultan men Almatyda eki stasıonarlyq PTR-zerthana, sondaı-aq Aqtaý men Semeıde PTR-testileýdi ótkizý múmkindigi bar mobıldi zerthanalyq keshen jumys isteıdi.

Shalǵaıda ornalasqan aýdandardyń turǵyndaryna kómek retinde dárigerlik-meıirgerlik brıgadalar men Qarýly Kúshterdiń sanıtarlyq-epıdemıologııalyq qyzmetiniń mamandary qysqa merzimde jiberilýi múmkin.

Sońǵy jańalyqtar

Taǵy 1677 adamnan koronavırýs anyqtaldy

Koronavırýs • Búgin, 09:40

Qazaqstanda qansha adam vaksına saldyrdy?

Koronavırýs • Búgin, 09:00

9 sý qoımasy salynady

Ekologııa • Keshe

QHL: «Barys» «Lokomotıvten» jeńildi

Hokkeı • 22 Qazan, 2021

Bekire balyǵyn zańsyz aýlaǵandar ustaldy

Ekologııa • 22 Qazan, 2021

Belarýste maska rejımi joıyldy

Álem • 22 Qazan, 2021

Uqsas jańalyqtar