Ekspedısııaǵa attanǵan pavlodarlyqtar Moldova Respýblıkasyndaǵy «Eske alý vahtasyna» attandy. «Maıdan joly» jasaǵy Uly Otan soǵysy jyldarynda habar-osharsyz ketkenderdi izdeýge kómektesýde. Habar-osharsyz ketkenderdiń qatarynda qazaqstandyqtar da bar.
Pavlodar jasaǵynyń komandıri Aleksandr Shıtovtyń aıtýynsha, «Vahtanyń» ekinshi kúninde izdeý jumystary Moldova Respýblıkasynyń Speıa aýylynyń mańynda júrgizilgen.
«Moldavııalyq jáne qazaqstandyq izdeýshiler iz-túzsiz joǵalǵan keńestik sarbazdar men ofıserlerdiń súıekterin izdestirýde. Ekspedısııaǵa «Maıdan joly», «Avgýst» izdeý jasaǵy men orys tarıhı-patrıottyq klýby qatysyp jatyr. «Vahtanyń» ekinshi kúni 80,4 bıiktiginde (Dańq qorǵany) besinshi jáne segizinshi armııalardyń shaıqas oryndarynda bir jaýyngerdiń súıegi tabyldy», dedi Aleksandr Shıtov.
Pavlodarlyqtar el tarıhyndaǵy «Eske alý vahtasyna» attanǵan alǵashqy qazaqstandyq izdeýshiler boldy. Ekspedısııa «Dańq joly» halyqaralyq patrıottyq jobasy aıasynda uıymdastyryldy.
Habar-osharsyz ketkenderdi izdestirý jumystary soǵys jyldary strategııalyq kópir bolǵan Moldova Respýblıkasynyń Novoannen aýdanynda júrgizilýde. Onyń janynda óshpes erlik kórsetken qazaqstandyq jaýyngerlerge arnalǵan granıt eskertkishi ornatylady.
