Tabylǵan faılda áleýmettik jeli qoldanýshylarynyń jeke ıdentıfıkatory, aty, tegi, telefon nómiri jáne «ózim týraly» baǵanyna jazǵan sıpattamasy jazylǵan.
Telegram kanalynyń avtory tabylǵan faıldy 1 mıllıonnan astam qoldanýshysy bar «Glaz Boga» platformasynyń klıenttik bazasy retinde sıpattaıdy. Atalǵan platforma - suraý boıynsha áleýmettik jelilerden, messendjerlerden, izdeý júıelerinen jáne basqa da derekkózderden paıdalanýshy týraly aqparat jınap beretin TMD-daǵy eń úlken servıs.
«Bul derbes derekterdi kıberqylmyskerlerdiń paıdalaný qaýpi joǵary. Naqty aıtqanda olar muny adamdardyń jeke jáne banktegi derekterin alý maqsatynda qońyraý shalý jáne habarlama jiberý úshin paıdalanýy múmkin. Osyǵan baılanysty biz barlyq ınternet qoldanýshyǵa kıbergıgıenany saqtaýdyń mańyzdylyǵy týraly eskertemiz. Internetke jeke derekterdi engizgen kezde qyraǵylyq tanytyp, jeke aqparatty úshinshi tulǵalarǵa bermeýdi suraımyz», dep jazylǵan baspasóz habarlamasynda.
