Nur-Sultanda vaksınasııalanǵandar arasynda baǵaly syılyqtar oınatylady. Kezekti eki iPhone 12 jáne basqa da qundy syılyqtardyń úshinshi utys oıynyna 17 shilde men 23 shilde aralyǵynda vaksınasııalanǵandar qatysady. Qatysý avtomatty túrde júrgiziledi. Oǵan arnaıy qujat toltyryp, tirkelýdiń qajeti joq.
Utys tikeleı efırde 24 shilde (senbi) kúni saǵat 17:00-de Nur-Sultan qalasy ákimdiginiń áleýmettik jelilerdegi (Facebook, YouTube) paraqshalarynda ótedi. Elorda ákimdigi iPhone 12 jáne basqa da baǵaly syılyqtardyń utys oıynyn apta saıyn, jazdyń sońyna deıin ótkizedi.
Esterińizge sala keteıik, tórt iPhone 12 jáne basqa da baǵaly syılyqtardyń utys oıyny 9 jáne 17 shildede ótti. Ol kezde avtomatty utys oıynyna vaksınasııa bastalǵan sátten bastap 16 shildege deıin ekpe alǵandar qatysty. Júldelerdiń utys oıyny demeýshiler esebinen ótkiziledi.
Elordada ótkiziletin utys oıyndary azamattardy ekpe alýǵa yntalandyrý, osylaısha óz densaýlyǵyn, jaqyndary men aınalasyndaǵy jandardyń densaýlyǵyn saqtaý úshin uıymdastyrylady. Sebebi, basty maqsat — ujymdyq ımmýnıtetti damytý jáne karantınge deıingi rejımge oralý. Ujymdyq ımmýnıtettiń úlesi 60%-dan asýy kerek.
