Maqsat – naqty, talap – qatty

Otyrysta Prezıdent Qasym-Jomart Toqaevtyń bıyl­ǵy 19 shildedegi eldegi epı­­de­mııalyq ahýal jó­nin­­­degi keńeste bergen tap­syr­ma­­laryn oryndaýdy uıym­da­s­tyrý máseleleri qaraldy.

 Vıse-premer memlekettik organ ókilderiniń baıandamalaryn tyńdap, qysqa merzim ishinde Memleket basshysy júktegen mindetterdi oryndaý úshin mynadaı sharalardy qabyldaýdy tapsyrdy: jańa shtamdardyń paıda bolýyn eskere otyryp, koronavırýs ınfeksııasynyń taralýyna jol bermeý jónindegi jedel is-qımyldardyń naqty josparyn ázirleý jáne engizý; «QazVac» otandyq vaksınasyn Dúnıejúzilik densaýlyq saqtaý uıymynda tirkeý jáne ony odan ári úshinshi elderdiń naryǵyna shyǵarý máselesin pysyqtaý, osy baǵytta naq­ty jol kartasyn ázirleý; karan­tındik shekteýlerdi saqtaýǵa qoıylatyn talaptardy qatań­datý máselesin pysyqtaý; vak­sınalaý qarqyny tómen óńir­lerge ádistemelik kómek kór­setý úshin kóshpeli brıgada­lar qurý; koronavırýsty dıag­nostıkalaý men emdeý hat­tamalaryna sáıkes reanımasııa bólimsheleri men jedel medısınalyq kómek qyzmetterin qosymsha jaraq­tandyrýdy qamtamasyz etý jóninde naqty usynystar en­gi­zý; koronavırýspen aýyra­tyn naýqastardy emdeý úshin «Rem­desıvır» preparatyn or­talyqtandyrylǵan satyp alý máselesin sheshý jóninde sharalar qabyldaý; Ishki ister mınıstrligi, basqa da múddeli memlekettik organ­darmen birlesip, jalǵan va­k­sınalaý pasporttaryn ja­saýdyń jolyn kesý jónin­de­gi vedomstvoaralyq arnaıy top qurý; Sıfrlyq damý, ınno­vasııalar jáne aeroǵarysh óner­kásibi mınıstrligi «Ata­meken» ulttyq kásipkerler  pala­tasymen jáne Densaýlyq saq­taý mınıstrligimen birle­sip, bıznes sýbektilerin Ashyq baǵ­dar­lamasyna engizý jónin­degi talaptardy jeńil­detý kerek.

 Eraly Toǵjanov monıtorıng toptardyń jumysy mańyzdy ekenin atap ótip, Ishki ister mınıstrligi men ákimdikterge osy baǵyttaǵy jumysty jandandyrýdy tapsyrdy. Budan basqa, VAK Ashyq arqyly tirkelgen qo­ǵamdyq oryndarǵa baratyn «qyzyl» jáne «sary» már­tebesi bar adamdarǵa qatysty sharalardy qatańdatý týraly sheshim qabyldady. Endi karantın rejimin buzǵan «qyzyl» mártebesi bar azamattardyń esimi buqaralyq aqparat qu­ral­­darynda jarııalanady.

 Sondaı-aq vıse-premer E.Toǵjanov memlekettik or­gandardyń basshylary men óńirlerdiń ákimdikterine vaksınalaý turǵysynan túsin­dirý jumystaryn kúsheıtýdi, sondaı-aq halyqty koronavırýs ınfeksııasynan vaksınalaýmen qamtýdy arttyrý týraly naqty tapsyrmalar berdi.