Qostanaı oblysynda sibir jarasy tirkeldi

Kelesi kúni oblystyq veterı­narııa basqarmasy Denısov aýda­nyndaǵy Sverdlov aýyl­dyq ok­rýgine qarasty Prı­rech­nyı aýy­lyndaǵy mal bordaqy­laý­men aınalysatyn «Altaı» se­rik­testigine tıesili iri qaralar­dan sibir jarasynyń qozdyrǵyshy tabylǵanyn málimdedi. Irgeli sharýashylyqtyń 20 shaqty maly qyrylyp qalǵan soń, 30 maý­­symda veterınarlar PTR ádi­si­men dıagnostıkalyq zert­teý júrgizgen. Oblystyq sanı­tar­lyq-epıdemııalyq baqylaý de­par­tamentine qarasty asa qaýipti ınfeksııalar bóliminiń bastyǵy Lıýdmıla Nalobınanyń sózin­she, indet oshaǵyna der kezinde aýrýdyń taralýyn bol­dyrmaý sha­ralary jasalyp, ólek­selerdi arnaıy ınsıne­ra­torlarǵa aparyp órteý, maldar­dy qamaıtyn oryndar men ólek­seler jatqan jerlerdi za­rar­syzdandyrý ju­mys­ta­ry júrgizilgen. Oblys or­ta­­ly­ǵyndaǵy ınfeksııalyq sta­­sıo­narǵa túsken úsh adam sibir ja­­rasyn osy sharalardyń ishin­de júrip juqtyryp alýy da múmkin.

– Naýqastar qazir arnaıy em alyp jatyr. Bul adamdar Prı­­rechnyı aýylyndaǵy jaýap­ker­shiligi shekteýli seriktes­ti­gin­de jumys istegen. Olar si­bir jarasyn mal baǵyp júrip nemese mal soıyp, ony múshe­lep jatqanda juqtyrýy múm­­kin. Epıdemıologter men ve­te­­rınar dárigerler sibir ja­­ra­­synyń qozdyrǵyshyn anyq­­tap, indet oshaǵynda epı­de­­mııa men epızootııaǵa qar­sy pro­fılaktıkalyq is-shara­lar­dy júr­gizip jatyr. Indet shar­py­ǵan aýmaqta bolǵan adam­dar anyq­taldy, olardyń bári bak­terııa­ǵa qarsy profılaktıkalyq em alyp jatyr. Odan keıin olarǵa sibir jarasyna qarsy vaksına egiledi. Budan ózge indet oshaǵy anyqtalǵan joq. Ádette qaýipti indet sibir jarasynan qyrylǵan mal kómilgen jerlerden juǵa­dy. О́kinishke qaraı, mal baǵýǵa ty­ıym salynǵanyna qaramastan, turǵyndar mundaı jerlerdi ja­ıylymǵa aınaldyryp alatyn jaǵdaılar jıi kezdesedi. Alaıda bul fermanyń mańaıynda eski sibir jarasynyń kómindileri joq. Sondyqtan indettiń taralýyna kúnniń aptap ystyǵy sebep bolýy ábden múmkin, – dedi L.Nalobına.

Veterınar mamandardyń boljamynsha, jyrtqysh ań-qustar men dala kemirgishteri sibir jarasy basılasynyń sporalaryn basqa jaqtan ákelýi ábden múmkin.

Qazir «Altaı» seriktestiginiń menshigindegi tórt malqora men onyń mańaıy tolyq zararsyzdandyrylyp, qoranyń qabyrǵalary men sharbaqtaryn, malǵa jem­shóp beretin aqyrlardy aqtaý jumystary aıaqtaldy. Munyń syrtynda, indet oshaǵyndaǵy qo­ralardyń barlyǵy, mal jaıylatyn alańdar men jazǵy mal turaqtary, sondaı-aq mal qy­rylǵan oryndar eki ret zar­ar-­
­syzdandyrylǵan.

Oblystyq veterınarııa bas­qarmasynyń resmı málimeti bo­ıynsha, Denısov aýdanynyń bas­qa eldi mekenderinde, jal­py Qostanaı oblysynda epızo­o­tııalyq jaǵdaı turaqty. 12 shil­­deden keıin indet oshaǵynyń ma­­­ńaıynda mal ólimi tirkelgen joq. Qazir indet oshaǵy ka­ran­tınge jabyldy. Vaksına egil­gen maldyń bári veterınar ma­man­dardyń baqylaýynda. Indet tolyq joıylyp, qorytyndy zararsyzdandyrý júrgizilgennen keıin 15 kún ótken soń karantın alynady.

Qostanaı oblysy