Túrkistan oblysy PD esirtki qylmysyna qarsy is-qımyl basqarmasy esirtki zattarynyń zańsyz aınalymyna qatysy bar kúdikti erli-zaıyptylardyń qylmystyq áreketteriniń jolyn kesti.
Jedel ýákilder Saıram aýdanynda keıbir turǵyndar esirtki satýmen aınalysatyny týraly aqparat alǵan. Polısııa qyzmetkerleri kúdiktilerdi anyqtaý jáne ustaý maqsatynda qajetti sharalar keshenin ótkizdi. Jedel-izdestirý is-sharalarynyń nátıjesinde polısııa qyzmetkerleri esirtki saýdasymen aınalysyp júrgen otbasylyq jupty ustady.
Tintý kezinde er adamnan paket, al onyń zaıybynan belgili bir ıisi bar esirtkige uqsas mazmuny bar paket tabyldy. Saraptamaǵa sáıkes, tárkilengen esirtki jalpy salmaǵy 25 gramnan asatyn «keptirilgen marıhýana» bolyp shyqty.
Atalǵan fakti SDTBT-de QR QK 297-baby «Esirtki quraldaryn, psıhotroptyq zattardy ótkizý maqsatynda zańsyz daıyndaý, qaıta óńdeý, satyp alý, saqtaý, tasymaldaý, jóneltý nemese ótkizý» boıynsha tirkeldi. Qazirgi ýaqytta atalǵan fakti boıynsha sotqa deıingi tergeý amaldary júrgizilýde. Kúdiktiler qamaýǵa alyndy.
