4 jyl buryn ǵana salynǵan bilim ordasynyń tóbelerinde jaryqshaq paıda bolyp, betonnyń qorǵanysh qabaty qulaǵan.
Mektepti salýǵa bıýdjetten 1,5 mıllıard teńge jumsalǵan kórinedi.
«Pandemııaǵa baılanysty balalardyń onlaınǵa kóshýi, tótenshe jaǵdaılardan saqtap otyr», deıdi mamandar.
Sabaq onlaın rejimde júrgizilgendikten, emtıhandy ýaqytynda ótkizip, qabyrǵalaryn, shatyry men edenderin tolyǵymen tekserýge múmkindik týǵan.
«Ǵımarattyń shatyry qaýipti jaǵdaıda. Ǵımaratta úlken jaryqshaq anyqtaldy. Ol balalardyń ómiri men densaýlyǵyna jáne barlyq jeke quramǵa qaýip tóndiredi. Eń bastysy – mektep ǵımaratyna kirýge tyıym salatyn sot sheshimi», deıdi Qaraǵandy oblysy bilim bóliminiń bas mamany Lıýdmıla Gavrılenko.
Úsh jylǵa arnalǵan aqysyz jóndeýdiń kepildik merzimi aıaqtaldy. Biraq qurylysshylar qarjylyq jaýapkershilikke tartylatynyn aıtty bilim bólimindegiler. Sonymen qatar mektep basshylyǵy shuǵyl túrde 100 oqýshy men 113 muǵalimge arnalǵan jańa ǵımarat izdeýde. Balalar sabaqqa kúrdeli jóndeýden keıin ǵana oralady.
