Memleket tarapynan onkologııalyq aýrýlar máselesine jiti nazar aýdarylyp otyr. Sondyqtan erte dıagnostıkalaý baǵdarlamalaryn damytý jolymen obyr aýrýlarynyń profılaktıkasyn jetildirý qolǵa alynýda.
Memleket tarapynan onkologııalyq aýrýlar máselesine jiti nazar aýdarylyp otyr. Sondyqtan erte dıagnostıkalaý baǵdarlamalaryn damytý jolymen obyr aýrýlarynyń profılaktıkasyn jetildirý qolǵa alynýda.
Jaqynda oblystyq onkologııalyq dıspanserge zamanaýı kompıýterlik tomograf ornatyldy. 64 kesindilik «Optima-6600» kompıýterlik tomografynyń iske qosylý rásimine oblystyq densaýlyq saqtaý basqarmasynyń basshylary qatysty. Oblysta buryn bolmaǵan qurylǵy endi onkoaýrýlardy anyqtap qana qoımaı, sonymen birge, aýrýdyń aldyn alýǵa da septigin tıgizedi. Zamanaýı apparatty atalǵan medısınalyq mekeme 2 jyl kútipti.
Sondaı-aq, dıspanserde ımmýnogıstohımııalyq zerthana ashylyp, sútbezi qaterli isigin molekýlalyq deńgeıde zerttep, tıimdi em qoldanýǵa qol jetkizilgen. Densaýlyq saqtaý basqarmasy mamandarynyń aıtýynsha, búgingi kúni onda qyzmet etetin 12 maman Almaty qalasyndaǵy dárigerlerdiń bilimin jetildirý ınstıtýtynda 4 aılyq kýrstan ótip, biliktilikterin arttyryp kelgen. Sondaı-aq, onkodıspanserde mamandandyrylǵan kómek kórsetý maqsatynda gerseptın, avastın, ıressa, taıverb jáne neksavar atty targenttik preparattar men jańa hımııalyq emdeý ádisteri engizilip otyr.
Oblysta ótken jyly 5005 adam obyr aýrýy boıynsha esepke alynypty.
Kósemáli SÁTTIBAIULY,
«Egemen Qazaqstan».
Taraz.
