Áskerlerdiń 2014 oqý jylyndaǵy jaýyngerlik daıyndyq josparyna sáıkes avtokólikterdiń úsh kúndik marshy bastaldy. Bul joly avtokerýen jasaıtyn marshtyń uzaqtyǵy 200 shaqyrymdy quraıdy.
Keshe Qazaqstan Respýblıkasy Qarýly Kúshteri Bas shtaby bastyǵynyń birinshi orynbasary, general-maıor Rýslan Álimov áskerı tehnıkanyń joryqqa daıyndyǵy jáne marshty ótkizý barysymen tanysty.
Áskerlerdiń 2014 oqý jylyndaǵy jaýyngerlik daıyndyq josparyna sáıkes avtokólikterdiń úsh kúndik marshy bastaldy. Bul joly avtokerýen jasaıtyn marshtyń uzaqtyǵy 200 shaqyrymdy quraıdy.
Keshe Qazaqstan Respýblıkasy Qarýly Kúshteri Bas shtaby bastyǵynyń birinshi orynbasary, general-maıor Rýslan Álimov áskerı tehnıkanyń joryqqa daıyndyǵy jáne marshty ótkizý barysymen tanysty.
Jaýyngerlik joryqqa 83205-áskerı bóliminiń 40-qa jýyq avtotehnıkasy tartylyp otyr. Shartty aýdanǵa belgilengen ýaqytta kelip jetken olar qysqa merzim ishinde jeke quramnyń jaýyngerlik daıyndyǵy men turmysyn qamtamasyz ete alatyn barlyq qajetti elementterden turatyn dalalyq lager qurdy.
Sonymen qatar, dalalyq jaǵdaıda tórt modýldi shtabtyq mashına synaqtan ótkizildi. Bul jaýyngerlik qurylǵy Ortalyq Azııa memleketteriniń ishinde ázirge Qazaqstanda ǵana bar. Keshen Qazaqstan áskeriniń ıeligine 2012 jyly túsken bolatyn.
– Jaýyngerlik marshtardy jasaı bilý áskerlerdiń negizgi mashyqtarynyń biri bolyp tabylady. Búgingi is-sharany ótkizýdegi negizgi tapsyrmalardyń biri áskerı qyzmetshilerdiń áskerı tehnıkany júrgizýdegi tehnıkalyq mashyqtaryn jetildire túsý bolyp otyr, – dep atap ótti 83205-áskerı bóliminiń komandıri, polkovnık Aıdar Abdrahman.
«Egemen-aqparat».
