– Alekseı Lýsenko qazir naǵyz babynda. «Týr de Frans» dodasynda alǵashqy jetilikke kirdi. Atalǵan jarystan soń Dmıtrıı Grýzdev de jaqsy babyna endi. Vadım Pronskıı sońǵy eki aptada bıik taýda jattyǵý ótkizdi, ózin óte jaqsy sezinýde. Olardyń eń negizgi mindeti – Alekseıdiń sońǵy elý shaqyrymda ózgelerden alǵa qaraı sýyrylyp shyǵýyna meılinshe jaǵdaı jasaý, – degen A.Bazaev jeńiske jetý úshin sportshylarǵa ne isteý kerek ekenin aıtty. – Jarys óte qıyn jaǵdaıda ótedi. Onyń ústine, kún raıy da 32 gradýstan joǵary bolmaq. Jańbyr men ylǵaldylyq ta jaǵdaıdy qıyndata túsetini bar. Dese de, Alekseıdiń múmkindigi joǵary dep esepteımin. Jalpy, relef boıynsha jarys Lýsenkonyń yńǵaıyna keledi. Tek 115-shi shaqyrymda bastalatyn 15 shaqyrymdyq taý joly qıyndyq týǵyzýy múmkin. Odan keıingi bıik jerler alty shaqyrymnan aspaıdy. Maqsatymyz – úzdikter qatarynan kóriný.
Esterińizge sala keteıik, velosporttan Qazaqstan quramasy 24 shilde kúni tas joldaǵy toptyq saıysqa qatysady.
