Aımaqtar • 23 Shilde, 2021

Mektep qurylysyna mańyz berilgen

27 ret kórsetildi

Orta mektepterdegi úsh aýysymdyq oqytýdy joıý máselesi Qaraǵandy oblysynda da ótkir tur. Álbette, bul tyǵyryqtan shyǵýdyń joldaryn tabý úshin jergilikti atqarýshy bılik qoldan kelgenniń bárin jasap baǵýda.

Qaraǵandy oblystyq qury­lys, sáýlet jáne qala qurylysy basqarmasynyń málimeti boıyn­sha, bıyldyń ózinde oblysta áleýmettik mańyzy bar 20-dan asa nysan salý josparlanǵan. Qazirgi ýaqytta 1 300-den asa bala oqıtyn tórt mekteptiń qu­ry­lysy bastaldy. Oblys orta­lyǵynda jáne Jańaarqa aýda­nynda eki bilim nysany paıda bolady. Qaraǵandyda, Maı­qudyq eldi mekeninde salynyp jatqan oqý orny 600 orynǵa, al Jańaarqa kentiniń mektebi 464 orynǵa eseptelgen.

Budan bólek Shet aýda­nyn­daǵy Kıikti aýylynda 150 oryndyq mekteptiń qurylysy qyzý júrgizilýde. Jez­qaz­ǵan­daǵy Terekti stansasynda 80 oryndyq taǵy bir ǵıma­rat salynyp jatyr. Mine, ma­mandardyń esebinshe, osy qury­lystardyń nátıjesinde oblystaǵy úsh aýy­symmen oqytý má­se­lesiniń túıini sheshilip, ol­qy­lyqtyń orny tolmaq.

Al Sátbaev pen Jezqazǵan qalalaryndaǵy árqaısysy 320 oryndyq eki balabaqsha qu­ry­lysy óńirdegi 640 balany mektepke deıingi bilimmen qam­­tamasyz etýge múmkindik beredi. Qaraǵandyda qyzdarǵa ar­nalǵan «Bilim-ınnovasııa» lı­seıiniń ǵımaratyna eki qa­batty qosymsha qurylys salý josparda bar.

Densaýlyq saqtaý salasynda da birqatar joba júzege asyrylýda. Mysaly, Maıqudyq pen Suryptaý eldi mekenderinde úsh jedel medısınalyq járdem qo­salqy stansasynyń qurylysy júrip jatyr.

Qaraǵandyda 200 tósektik oblystyq kópbeıindi balalar aýrýhanasynyń qurylysy bıyl aıaqtalýy tıis. Sonymen qatar oblys ortalyǵynda pozıtrondy-emıssııalyq kompıýterlik tomografııa ortalyǵy, №1 kópbeıindi aýrýhana janyndaǵy qabyldaý-dıagnostıkalyq bólimshe jáne oblystyq onkodıspanserdiń ope­rasııalyq-reanımasııalyq blo­gy salynýda.

Sonymen qatar Nura aýda­nyn­daǵy Kertindi aýylynda feldsherlik-akýsher­lik pýnkt­tiń qurylysy medısı­na­lyq qyzmetke zárý jergilikti ha­lyqtyń qajetin óteıtini sózsiz.

 

QARAǴANDY

 

Sońǵy jańalyqtar

Kabýlda jarylys boldy

Oqıǵa • Keshe

Almatyda baqylaý kúsheıtildi

Koronavırýs • Keshe

Tiliksiz ota jasaldy

Medısına • Keshe

Uqsas jańalyqtar