Elorda • 23 Shilde, 2021

Nur-Sultanda «EcoQolday Home» jobasy tanystyryldy

66 ret kórsetildi

Elorda turǵyndaryna «EcoQolday Home» ekologııalyq jobasy tanystyryldy. Ol makýlatýra, plastık, shyny jáne metall qaptama qaldyqtaryn tapsyrý arqyly tabys tabýǵa múmkindik beredi, dep jazady Egemen.kz О́KM operatory baspasóz qyzmetine silteme jasap.

«EcoQolday Home» jobasynyń promo-aksııasy «Dream city» jáne «Esil» turǵyn úı keshenderinde óttii. Aksııada turǵyndarǵa turmystyq qaldyqtardy durys suryptaý joly kórsetildi.

Turǵyndar plastık bótelke, metall banka, makýlatýra men kartondy jyljymaly qabyldaý beketine tapsyrýda belsendilik tanytty. Ásirese bul shara balalar úshin qyzyqty boldy. Aýla aýmaǵynda eko-jattyqtyrýshylar balalarǵa qaldyqtardy bólek jınaý boıynsha sheberlik sabaǵyn uıymdastyrdy. Kóńildi eko-kvest, ınteraktıvti oıyndar ótkizildi, syılyq úlestirildi. Qoqystyń qorshaǵan ortaǵa tıgizer zııany túsindirildi. Sharaǵa qatysýshylar 100 kg-nan astam qaptama qaldyqtaryn jınap, óńdeýge ótkizdi.

Aıta ketý kerek, О́KM Operatory tamyz aıynan bastap «EcoQolday HOME» jobasyn iske qosady. Páter ıeleri kooperatıvi, múlik ıeleri birlestigi (KSK/OSI) nemese basqa da uıymdar qaıtalama shıkizatty jınaı alady. Jınalǵan shıkizatty mobıldi qosymsha arqyly operatordyń óńirlik seriktesterine satý qarastyrylǵan. Al odan túsken aqshany aýlany abattandyrýǵa, úıdi jóndeý, aýlany jańǵyrtý maqsatynda paıdalanýǵa bolady.

«EsoQoldaý» jobasy – Qazaqstanda qaldyq óńdeý salasyn qoldaýdyń jańa sıfrlyq modeli. Joba iske qosylǵan ýaqyttan beri 42 myń tonnadan astam qaptama qaldyǵy jınaldy. Jınaýshylar men óńdeýshilerge 1 mlrd teńgeden astam qarajat tólendi. Qazirgi ýaqytta jobaǵa Qazaqstannyń barlyq óńirinen 465 kásipker qatysady.

Sońǵy jańalyqtar

Kelisimde keleshek bar

Qoǵam • Keshe

Teńiz túısigi

О́ner • Keshe

Ańshylyq – asyl óner

Rýhanııat • Keshe

Uqsas jańalyqtar