Aımaqtar • 24 Shilde, 2021

Aqtóbeniń muǵalimderi túgel vaksına saldyrdy

1274 ret kórsetildi

Aqtóbe óńirinde medısınalyq qarsy kórsetkishi joq mektep muǵalimderi túgeldeı vaksına saldyrdy, dep habarlaıdy Egemen.kz inform.kz saıtyna silteme jasap.

Aqtóbe oblysy boıynsha 460 myń adam vaksına alýy kerek. Qazirgi kezde 211 myńnan astamy birinshi, al 118 myńnan astamy komponenttiń ekeýin de qabyldap úlgerdi.

Solardyń ishinde quqyq qorǵaý organdary men medısına qyzmetkerleri túgeldeı vaksına saldyrdy. Medısınalyq turǵyda keri kórsetkishi bar azamattar ımmmýndaý jumysynan ýaqytsha shettetildi.

«Oblystaǵy mektep muǵalimderi vaksınasııalaý jumysy kezinde belsendilik tanytty. Olar ózderine artylǵan jaýapkershilikti jaqsy sezinedi. Ári osy arqyly mektepke qaıta oralyp, dástúrli túrde bilim alýǵa múmkindik bar», dedi oblystyq bilim basqarmasy basshysynyń orynbasary Gúlnaz Súleımenova.

Aqtóbe oblysy boıynsha 18 myńnan astam pedagog jańa oqý jylyna daıyn. Jańa oqý jylynda 10 myńnan astam bala birinshi synypqa barady. Qujat qabydaý rásimi áli de ótip jatyr.

«Biz úshin balanyń qaýipsizdigi mańyzdy. Mektepke baryp, ondaǵy jaǵdaıdy bildim. Munda arnaıy QR kod arqyly mártebeni anyqtap, bilýge bolady. Koronavırýs ınfeksııasyna qatysty aqparatty da úlken ekran arqyly bile alamyz», deıdi aqtóbelik turǵyn Aısulý Ýbaıtjanova.

Aqtóbe oblysy boıynsha barlyq emhana men iri saýda oryndarynda vaksınasııa pýnkteri keshki 20:00-ge deıin jumys isteıdi. О́ńirde ımmýndaý sharasy jalǵasyp jatyr.

«Aqtóbe oblysy boıynsha biz 460 myń adamdy qamtımyz dep josparlap otyrmyz. Onyń ishinde 18 myńnan astamy pedagog. Qazirgi kezde múǵalimder túgel vaksına saldyrdy. Qazir mektepke deıingi mekemeler men orta arnaýly, joǵary oqý oryndary qamtylyp jatyr», dedi oblystyq densaýlyq saqtaý basqarmasy basshysynyń orynbasary Bekbolat Izbasarov.

Sońǵy jańalyqtar

Kabýlda jarylys boldy

Oqıǵa • Búgin, 17:08

Otandyq fılmderdiń úlesi artady

Qazaqstan • Búgin, 16:20

Almatyda baqylaý kúsheıtildi

Koronavırýs • Búgin, 14:08

Aqsha emes, abyroı qymbat

Boks • Búgin, 13:04

Kúrshim ózeni de lastana bastady

Ekologııa • Búgin, 12:38

Tiliksiz ota jasaldy

Medısına • Búgin, 12:20

Uqsas jańalyqtar