Foto: ashyq derekkóz
Eńbek jáne halyqty áleýmettik qorǵaý mınıstrligi azamattarǵa ataýly kómek kórsetýdi kúsheıtý maqsatynda óńirlik Mansap ortalyqtarynyń jumysyn jetildirip jatyr. Mınıstr Asqarbek Ertaevtyń tóraǵalyǵymen ótken jumys keńesinde jańa algorıtm tanystyrylyp, basty nazar «basym topqa» – óz betinshe jumysqa ornalasýy qıyn úmitkerlerge aýdaryldy.
Eńbek naryǵyn keshendi taldaý nátıjesinde 93,5 myń adamnan turatyn nysanaly top aıqyndaldy. Bul sanatqa áleýmettik jaǵdaıy tómen azamattar, eńbek tájirıbesi joq nemese jumys ótilinde 6 aıdan astam úzilisi bar adamdar, sondaı-aq orta jáne tehnıkalyq-kásiptik bilimi bar úmitkerler engizildi. Al joǵary bilimi nemese jýyrdaǵy jumys tájirıbesi bar azamattar bul tizimnen shyǵarylyp, qoldaý eń muqtaj toptarǵa baǵyttaldy.
Endi osy basym top úshin jeke súıemeldeý júıesi qalyptastyrylady. Árbir azamatty jumyspen qamtý úderisin naqty baqylaý úshin mınıstrlik aqparattyq júıege jańa sıfrlyq quraldar engizdi. Mansap ortalyqtary arnaıy panel arqyly úmitkerlerdi naqty ýaqyt rejıminde aty-jóni boıynsha baqylap, kórsetilgen qoldaý sharalaryn kúndelikti qadaǵalaı alady.
Eńbek naryǵynyń erekshe býyny: О́zin-ózi jumyspen qamtý zaman talaby ma, álde amalsyzdyq pa?
Sonymen qatar monıtorıng nátıjeleri óńirlerdegi jumys qarqynyn kúsheıtý qajettigin kórsetti. Qazirgi tańda nysanaly toptaǵy bar bolǵany 39,8 myń adam ǵana jumyspen qamtý sharalarymen qamtylǵan.
Osyǵan baılanysty mınıstr óńirlik Mansap ortalyqtaryna naqty mindet júktedi. Atap aıtqanda, árbir jumyssyz azamatpen jeke jumys júrgizip, ony tolyq jumysqa ornalasqanǵa deıin súıemeldeýdi qamtamasyz etý talap etildi.
Jańa tásil eńbek naryǵyndaǵy teńgerimdi arttyrýǵa, áleýmettik osal toptardyń tabysyn ósirýge jáne turaqty jumyspen qamtýdy qamtamasyz etýge baǵyttalǵan.
Eńbek naryǵyndaǵy sáıkessizdik: Bos jumys orny kóp pe álde jumyssyzdar ma?
