Kýágerdiń aıtýynsha, 23 shilde kúni Aqsý qalasynda saǵat 21.15-te Ertis kóshesinde júrip bara jatqan kóliktiń birine alabaı kúshigi arqanmen baılanǵan. Er adam ıttiń qatty shyńqyldaǵan daýysyn estigenin aıtty.
«Meniń aıqaıymdy estigen júrgizýshi kólikten shyǵyp, jerde jatqan ıtke qarady. Biraq sol mezette kólikke qaıta otyrdy da, ári qaraı júre berdi. Men oǵan taǵy da aıqaıladym. Sodan keıin ol toqtap, ıt pen arqandy úıge alyp ketti», dedi kýáger.
Er adam janýarǵa kórsetilgen qatygezdikke tóze almaı, ótip bara jatqan patrýlge kórgenin habarlady.
Kúshik ıesiniń bul qylyǵy Instagram qoldanýshylaryn da ashýǵa býlyqtyryp, ıt ıesin jazalaýdy ótindi.
Pavlodar oblysy polısııa departamentiniń baspasóz qyzmeti bul oqıǵaǵa qatysty túsinikteme berdi.
«Ittiń ıesi anyqtaldy. Er adam QR ÁQBK 408-baby boıynsha ákimshilik jaýapkershilikke tartylyp, mundaı faktilerge jol berilmeıtini týraly eskertildi», dep habarlady vedomstvonyń baspasóz qyzmeti.
Alabaı ıesi mundaı is-áreketin «úı janýarlaryna qoldanatyn jattyǵý» dep túsindirdi.
