«31 aýyldyq okrýgtiń ákimin saılaýǵa baılanysty bir aıǵa sozylǵan jumys óz máresine jetti. Jergilikti saǵat 20.00.-de barlyq 79 saılaý ýchastogynda daýys berý toqtatyldy. Tirkelgen barlyq 38724 saılaýshynyń 31478-i, ıaǵnı 81,3%-y saılaý bıýlletenin alyp, óz tańdaýyn jasady», dep habarlady Batys Qazaqstan oblystyq saılaý komıssııasynyń tóraǵasy Ǵaısa Qapaqov.
Halyqtyń saılaý belsendiligi jóninde oblys aýdandaryn taldap kórsek, Aqjaıyq aýdany saılaýshylarynyń 88%-y, Báıterek aýdany – 93 paıyz, Bórli aýdany – 88, Bókeıorda aýdany – 91, Jańaqala – 70%, Qaztalov aýdany – 82 paıyz, Qaratóbe aýdany – 85, Syrym aýdany – 89 paıyz, Terekti aýdany – 74 paıyz qatysqan.
«Saılaý komıssııasy atynan barlyq saılaýshylarǵa alǵys aıtamyn. Bul bizdiń elde bolyp otyrǵan alǵashqy saılaý. Osy naýqanǵa óziniń azamattyq boryshyn sezinip, belsendi qatysqan aýyldyqtarǵa rızashylyq bildiremiz. Bul saılaýǵa 363 baıqaýshy qatysty, olar da tańǵy 7-den keshki 8-ge deıin barlyq 71 saılaý bólimshesin kúni boıy qadaǵalady. Olar qazir daýys sanaýǵa qatysýda. Biz saılaýdyń tolyq nátıjesin 26 shilde kúni habarlaımyz», dedi Ǵaısa Qapaqov.
Aıta keteıik, Batys Qazaqstan oblysynda 31 aýyldyq okrýg ákiminiń ornyna barlyǵy 81 kandıdat baq synap, saılaýǵa túsken.
