Álem • 26 Shilde, 2021

Aýstralııalyqtar ereýilge shyqty

27 ret kórsetildi

О́tken senbide Aýstra­lııanyń birqatar qala­syn­da myńdaǵan turǵyn ko­­ro­­navırýs ınfeksııasyn juq­tyrǵandar sanynyń kó­beıýine baı­lanys­­ty engizilgen shekteýlerge nara­zylyǵyn bil­­dirip, ereýilge shyqty.

Polısııa Sıdneıde jáne basqa qalalarda na­razylar kedergilerdi buzyp, plastıkalyq bótelkeler men basqa da zattardy laqtyryp, tártip buzǵanyn habarlady. Shekten shyqqandar qamaýǵa alynǵan.

Maskasyz kelgen qatysýshylar Sıdneıdegi Vıktorııa parkinen ortalyq aýdandaǵy ákimshilik ǵımaratyna deıin júrip ótip, «Bostandyq!» dep urandatty.

Sıdneı bıligi ony sanksııalanbaǵan narazylyq dep tanyp, quqyq qorǵaý organdary qyzmetkerleri kóptep jumyldyryldy.

Jańa Ońtústik Ýels polısııasy ádette sóz bos­tandyǵy men beıbit jınalystardy qol­daıtynyn, biraq bul narazylyq densaýlyq saqtaýǵa qatysty úkimet sheshimderin buzdy dep málimdedi.

«Jańa Ońtústik Ýels polısııasy úshin basym­dyq – árqashan halyqtyń qaýipsizdigi», delingen polısııa taratqan habarlamada.

Narazylyqqa sebep bolǵan – eldegi naýqas sanynyń artýy. Sońǵy 24 saǵat ishinde 163 jańa ınfeksııa tirkeldi. Úlken Sıdneı aımaǵy sońǵy tórt apta ishinde jabylyp, turǵyndar úıden tek belgili bir sebeptermen shyǵýǵa ruqsat alǵan-dy.

«Biz demokratııalyq elde ómir súrip jatyrmyz jáne adamdardyń narazylyq bildirý quqyǵyn qoldaımyn... Biraq qazirgi ýaqytta álemdegi ahýal­dy esten shyǵarmaǵan jón. Degenmen azamattar demonstrasııaǵa shyǵý jáne bir-biriniń qasynda bolý qalypty jaǵdaı dep sanaıtyny ókinishti», dedi Densaýlyq saqtaý mınıstri Bred Hazzard.

Al kóshege shyǵyp, bas kótergender bolsa, úkimettiń adam quqyqtaryn shektep otyrǵanyn, endi úıde kútip otyra almaı­tyndyqtaryn aıtady. Olar vaksına alǵandarǵa shekteý bolmaý kerek degen ýáj aıtady. Alaıda polısııa bıliktiń tala­byn oryndamaǵandar jaýapqa tartylatynyn eskertti.

Sońǵy jańalyqtar

15169 adam koronavırýs juqtyrdy

Koronavırýs • Keshe

Uqsas jańalyqtar