«Júrekten júrekke» aksııasynda kópshiliktiń, eriktilerdiń bastamasymen áleýmettik jaǵdaıy tómen, muqtaj otbasylarǵa jáne jalǵyzbasty jandarǵa materıaldyq kómek kórsetiledi. Azyq-túlik sebetterinde balalarǵa arnalǵan táttiler, otbasyǵa qajetti dúnıeler salynǵan. Bizdiń maqsatymyz – olardyń materıaldyq jaǵdaıyn túbegeıli ózgertpesek te, qazirgideı qıyn-qystaý kezeńde az da bolsa jaqsy kóńil-kúı ári qýanysh syılaý», deıdi aksııany uıymdastyrýshy Alpamys Sharımov.
Qaıyrymdylyq aksııasynda 100 belsendi jas áleýmettik jaǵdaıy az qamtylǵan 100 otbasyǵa syılyqqa toly qorapsha taratty.
Aıta keteıik, elorda ákimdiginiń bastamasymen Nur-Sultanda sońǵy jarty jyl «Qaıyrymdy ister» uranymen ótip jatyr. «Igi ister» marafony aıasynda eriktiler, ákimdik qyzmetkerleri, elordalyq Qazaqstan halqy Assambleıasynyń ókilderi, bıznesmender muqtaj azamattarǵa, ıaǵnı kópbalaly, áleýmettik az qamtylǵan jáne erekshe qajettilikteri bar balalardy tárbıelep otyrǵan otbasylarǵa, jalǵyz basty zeınetkerlerge 10 myńnan astam azyq-túlik sebetin taratty. Olarǵa jan-jaqty kómek pen qoldaý kórsetildi.
Sol sııaqty jaqynda Qurban aıt merekesi kúnderi myńdaǵan otbasyǵa qurbandyq eti úlestirildi.
«Igi ister marafony» respýblıkalyq jobasy aıasynda jyl basynan beri elordada 300-den astam túrli formattaǵy is-shara júzege asyryldy. Ataýly áleýmettik kómek pen qoldaý 66 myńnan astam adamǵa kórsetildi.
