«Qazirgi Saryaǵash ótkizý pýnktinde júktemeni túsirýdi qamtamasyz etý úshin Qazaqstan men О́zbekstan arasynda «Darbaza-Maqtaral» jańa temirjol jelisin salý josparlanýda. «Darbaza-Maqtaral-Jızaq» nemese «Darbaza-О́zbekstan» stansııasy Saryaǵash ótkizý pýnktiniń aǵymdaǵy júktemesin eskere otyryp, jańa ótkizý pýnkti qurylmaq», dedi Jánibek Taıjanov.
Onyń aıtýy boıynsha, atalǵan jobany iske asyrý ýchaskeniń ótkizý qabiletin 2 ese ulǵaıtýǵa, júkterdi tasymaldaý merzimin 1,5 ese qysqartýǵa múmkindik beredi.
«Bul joba Ortalyq Azııanyń Eýropaǵa eksporttyq-ımporttyq aǵymyn qabyldaýǵa múmkindik berip, Qazaqstannyń halyqaralyq naryqtardaǵy ustanymyn nyǵaıta túsedi. Qazirgi ýaqytta Saryaǵash stansııasy arqyly júk tasymaldaý shamamen 26 myń tonnany quraıdy, jańa ótkizý pýnktiniń qurylysyn aıaqtaý qorytyndysy boıynsha О́zbekstanmen júk tasymaldaý shamamen 50 myń tonnaǵa deıin ulǵaıady dep boljanýda», dedi Jánibek Taıjanov brıfıngte.
