Koronavırýs • 27 Shilde, 2021

Indetten saqtanýdyń utymdy joly

57 ret kórsetildi

Ekpe kópke tekke salynyp jatqan joq. Muny elimizdiń árbir azamaty ishteı shyndap túısinip kele jatqan syńaıly. О́ıtkeni búginde áý basta el ishinde qaýlap ketken ekpe tóńiregindegi alypqashpa áńgime kádimgideı saıabyrsyp qaldy. Buqaranyń deni endi indetke tótep berýdiń jalǵyz joly vaksına qabyldaý ekenin durys túsine bastaǵandaı. Buǵan Qostanaı oblysynda qarqyndy júrip jatqan vaksınalaý úderisi dálel bola alady.

COVID-19-ǵa qarsy vaksınalaý sharalary bastalǵaly beri óńirde 26 memlekettik, 5 jekemenshik medısınalyq mekeme ekpe jumystarymen aına­lysyp jatyr. Turǵyndar vak­sınanyń birinshisin de, ekin­shisin de osy mekemelerdegi arnaıy jabdyqtalǵan kabınetterde qabyldaýda. Munyń syrtynda, 181 stasıonarlyq jáne kóshpeli ekpe pýnktteri jumys isteıdi. Medısınalyq mekemelerde vaksına saqtaýǵa arnalǵan 104 tońazytqysh bar. Qazir bul qurylǵylarda vaksınanyń 173 myń dozasy saqtalyp tur. Oblys­tyq densaýlyq saqtaý departamentiniń málimetinshe, aqpan aıynyń basynan bastap búginge deıin óńirge vaksınanyń 259 myń 500 birinshi komponenti, 183 myń 250 ekinshi komponenti ákelingen. Onyń ishinde Spýtnık V vaksınasynyń 209 myń doza birinshi, 132,75 myń ekinshi komponenti, sondaı-aq 4 myń adamǵa jetetin QazVac dozasy, Hayat-Vax vaksınasynyń 32,5 myń adamǵa jetetin 65 myń dozasy, CoronaVac-tyń 14 myń turǵyndy vaksınalaýǵa bolatyn 28 myń dozasy bar.

– Oblysta búginge deıin 231 myńǵa jýyq adam vaksına qabyldady. Ekpe sal­dyr­ǵandardyń aldyńǵy shebinde muǵalimder tur. Sońǵy málimet boıynsha, óńirde 16 070 pedagog, 10 708 medısına qyzmetkeri, 7 429 polısııa jáne tótenshe jaǵdaı qyzmetkeri, 4 359 stýdent, 4 myńǵa jýyq memlekettik qyzmetshi, 23 504 sozylmaly aýrýy bar naýqas, 162 443 ózge sanattaǵy azamattar vaksına qabyldady. Olardyń 130 myńy ekinshi komponent saldyr­dy. О́ńirde vaksınalaý sharalaryna tıisti daıyndyqtan ótken 426 medısına qyzmetkeri qaty­sýda, – dedi oblystyq densaý­lyq saqtaý departamenti basshy­synyń orynbasary Anjela Bek­sultanova.

Emhanalardyń syrtynda, oblys ortalyǵyndaǵy ha­lyq kóp shoǵyrlanatyn qoǵam­dyq oryndarda, máselen, Kostanay Rlaza saýda-saýyq orta­lyǵynda, «Astyqjan» sýpermarketinde, City Kostanai bıznes-ortalyǵynda, Rýd­nyı qalasynyń ortalyq ámbe­bap dúkeninde jekelegen ekpe kabınetteri jumys istep tur.

Shekteý talaptarynyń qataıa túskenine qaramastan, óńirdiń epıdemııalyq ahýaly máz emes. Qostanaı oblysy – «qyzyl aımaqta». О́ńirlik jedel shtab málimetine súıensek, 25 shildede oblys boıynsha COVID-19-dyń 181 jaǵdaıy tirkelip, bir táýliktiń ishinde naýqastar sanynyń ósý qarqyny 0,94%-ǵa jetti. Jalpy, oblysta eń alǵash­qy turǵyn indet juqtyrǵan byltyrdyń 3 sáýirinen bastap búginge deıin COVID-19-dyń 19 myń 378 jaǵdaıy tirkelip, 17 558 naýqas emdelip shyqqan.

 

Qostanaı oblysy

 

Sońǵy jańalyqtar

Kabýlda jarylys boldy

Oqıǵa • Keshe

Almatyda baqylaý kúsheıtildi

Koronavırýs • Keshe

Tiliksiz ota jasaldy

Medısına • Keshe

Uqsas jańalyqtar