Oblystyq aýyl sharýashylyǵy basqarmasynyń málimeti boıynsha, óńirde memlekettik orman qorynyń aýmaǵynda sharýashylyqtar men turǵyndar shabyndyqqa 15,2 myń gektar jerdi, jaıylym úshin 899,9 myń gektar jerdi paıdalanýda. Erekshe qorǵalatyn tabıǵı aýmaqtardan 164 gektar shabyndyq, 59 myń gektar jaıylym retinde bólingen.
Resmı derekke súıensek, búgingi kúni 1810 myń tonna shóp daıyndaldy, bul jospardyń 64,2%, 285,4 myń tonna pishendeme, 124,9 myń tonna saban, 55,7 myń tonna mal jemi daıyndaldy.
Tabıǵı shabyndyqtyń ortasha ónimdiligi ár gektarynan 15-25 sentnerden aınalady, al jońyshqa men kóp jyldyq shópter 35-40 s/ga ónim berip otyr.
Aýyspaly jer qoryna túgendeý jasalyp, ótken jyldan Aqsý, Alakól, Eskeldi, Jambyl, Uıǵyr aýdandarynda 30,2 myń tonna mal azyǵy bar ekeni anyqtaldy.
Sonymen qatar oblysta jıyn-terin men shóp daıyndaý jumystaryna 13,8 myń tonna dızel otyny bólingen, sonyń ishinde 1,8 myń tonnasy shóp shabýǵa qarastyrylǵan. Sondaı-aq shóp daıyndaý naýqany úshin janar-jaǵarmaıǵa tıisti vedomstvoǵa qosymsha tapsyrys berilgen.
