Sport • 28 Shilde, 2021

Olımpıadanyń eń jas sportshylary

314 ret kórsetildi

13 jastaǵy japon qyzy Olımpıada chempıony atandy. Ol tórtjyldyqtyń basty dodasyna jańadan qosylǵan sport – skeıtbordtyń «strıt» túri boıynsha baq synaǵan edi. Osylaısha, Momıdjı Nısııa jazǵy Olımpıada tarıhynda eń jas chempıon atanǵan sportshylardyń qataryna qosyldy. Osy oraıda biz oqyrmandardy XXXII jazǵy Olımpııa oıyndaryna qatysyp jatqan jas sportshylarymen tanystyrýdy jón kórdik.

Hend Zaza –12 jas

Sport túri: ústel tennısi

Tokıodaǵy Olımpııa oıyndaryna qatysý arqyly Hend Zaza birneshe jetistikke je­tip otyr. Birinshiden, ol – ústel tennısinen óz eliniń namysyn qorǵaıtyn alǵashqy sırııalyq. Ekinshiden, ol nebári 11 jasynda irikteý synynda chempıon atanyp, Olımpıadaǵa joldama aldy. Onyń ústine, turaqsyz saıası jaǵdaıǵa baılanysty Hend Zaza jylyna eki-úsh týrnırge ǵana qatysqan.

Kokona Hırakı – 12 jas

Sport túri: skeıtbordıng

Taǵy bir 12 jastaǵy sportshy óz jerinde ótip jatqan Olım­pıadada Kúnshyǵys eli­niń atynan shyqty. Kokon Hıra­kı sátin salsa, 1968 jyly Mek­sıkada ótken Olımpıadaǵa 13 ja­synda qatysqan japondyq jú­­zýshi Iýkarı Takemotonyń re­kor­dyn buzady degen úmit bar. Hı­rakı óte jas sport túri sana­la­tyn skeıtbordıngten synǵa túspek.

 

Skaı Braýn – 13 jas

Sport túri: skeıtbordıng

Brıtanııalyq Skaı Braýn da Olımpıadaǵa qatysqan eń jas sportshynyń biri retinde tir­keldi. Osydan bir jyl buryn ǵana jattyǵý barysynda aýyr jaraqat alǵan jas skeıtbordshynyń To­kıoǵa barý-barmaýy eki­ta­laı bolǵan edi. Ramptaǵy bir trıýkti oryndaý kezinde qulap, bas súıegin jaraqattap, qolyn syndyryp alǵan. Sol kezde sportshynyń ózi «tiri qalǵanymnyń ózi olja boldy» degen bolatyn. Degenmen barlyq jaraqatynan aıyqqan Braýn qatarǵa qaıta qosyldy.

 

Kýan Hýnchan – 14 jas

Sport túri: sýǵa sekirý

Sý sportynan Qytaı qura­masynyń da namysyn taǵy bir jas daryn qorǵaıdy. 14 jas­taǵy Kýan Hýnchan 10 metrlik bıik­tikten sýǵa sekirý boıynsha komandalyq jarysqa qatysady. Shynashaqtaı ǵana sportshynyń barlyq elementterdi hı­rýr­­gııalyq dáldikpen oryndaı­tyny sonshalyq, ol sýǵa sekir­gende bir tamshy da shashyramaıtyn kórinedi.

Ketı Grıms – 15 jas

Sport túri: júzý

Amerıkalyq jas sportshy Ketı Grıms ta osy joly óziniń alǵashqy Olımpıadasyna qa­tysyp otyr. Ol jas jaǵynan 2012 jyly Londonda bes altyn medal jeńip alyp, aty ańyzǵa aınalǵan otandasy Ketı Ledekıdiń rekordyn qaı­talady.

 

Sońǵy jańalyqtar

Ekonomıkany resessııa kútip tur ma?

Ekonomıka • Búgin, 00:07

Tekeliniń tátti taǵamdary

Aımaqtar • Búgin, 00:05

Jer silkinisi: saqtyq pen sabaq

Tótenshe jaǵdaı • Keshe

Talqy

Ádebıet • Keshe

Qar ústindegi qarsaq

Aımaqtar • Keshe

Álkeıdiń kúndeligi

Tarıh • Keshe

Jyl úzdikteri anyqtaldy

Sport • Keshe

«Hat qorjyn»

Qoǵam • Keshe

Qarǵyn sýdan qaýip bar

Tótenshe jaǵdaı • Keshe

Oqýshylar tapqan olja

Jádiger • Keshe

Uqsas jańalyqtar