Aımaqtar • 28 Shilde, 2021

Tabıǵatqa tamsantty

36 ret kórsetildi

Bolmysynan taý-tasqa, orman-toǵaıǵa ańsary aýyp turatyn óskemendikter A.Pýshkın kitaphanasynda ótken tabıǵat fotokórmesin tamashalady. Eksklıýzıvti fotosýretterge toly kórme Katonqaraǵaı memlekettik ulttyq tabıǵı parkiniń jıyrmajyldyq mereıtoıyna oraı uıymdastyryldy.

Fotosýretshiler erekshe qorǵalatyn tabıǵı aýmaqta sırek kezdesetin ań-qustardy, Qyzyl kitapqa engen gúl-shóp­terdi túsirip, kórermen nazaryna usynǵan. Altaıdyń qoıyn-qolatyn bir aralap shyǵyp, túz taǵylaryn túsirip alý ońaı sharýa emes. Kórmege qoıylǵan júz shaqty foto on-jıyrma jyldyń eńbegi.

– Katonqaraǵaı ulttyq tabıǵı parki 2001 jyly qu­rylǵan. Qazaqstandaǵy eń iri erekshe qorǵalatyn tabı­ǵı aýmaq. Munda Kókkól sarqy­ramasy, Rahman qaınary, Be­rel qorǵandary syndy kó­rikti, tanymdyq oryndar bar. Saıabaq aýmaǵynda qus­tar­dyń 300-den astam túri, ósim­dikterdiń myń, janýarlar men balyqtardyń júzge jýyq túri kezdesedi. Mine, búgin solar­dyń sýretterin kórermen nazaryna usynyp otyrmyz, – dedi Katonqaraǵaı MUTP bas dırektorynyń orynbasary Raýshan Qyryqbaeva.

Kórmege qatysqan foto­sýretshilerdiń ishinen V.Vo­robevtiń túsirgen sýretteri erekshe kóz tartty. Ol kóbinese taýdyń bıiginde júretin ań-qustardy túsirýmen aınalysyp kelgen. Taýdyń bıigi demekshi, quz-jartastarda jortatyn qar barysynyń sýreti de kórermen nazaryna usynyldy.

– Kórmeni emes, Altaı taýyn aralap kelgendeı áserde boldym. Biz bilmeıtin, biz kórmegen jerler kóp. Baryp, taýyna shyqsa shirkin. Desek te, kórmedegi fotolar erekshe áser beredi eken. Kúndelikti smartfonnan kórip júrsek te, kórmeniń jóni bólek, – deıdi stýdent Aıym Bolat.

Altaıdy aralamasańyz da, kórmeni kórip qaıtýǵa ábden bolady. A.Pýshkın kitap­ha­na­sy qyzmetkerleriniń aı­týyn­sha, fotokórme bir aı boıy ós­kemendikter men qala qonaq­taryn qýantady.

 

Shyǵys Qazaqstan oblysy

 

Sońǵy jańalyqtar

Kabýlda jarylys boldy

Oqıǵa • Búgin, 17:08

Otandyq fılmderdiń úlesi artady

Qazaqstan • Búgin, 16:20

Almatyda baqylaý kúsheıtildi

Koronavırýs • Búgin, 14:08

Aqsha emes, abyroı qymbat

Boks • Búgin, 13:04

Kúrshim ózeni de lastana bastady

Ekologııa • Búgin, 12:38

Tiliksiz ota jasaldy

Medısına • Búgin, 12:20

Uqsas jańalyqtar