Balyq sharýashylyǵy komıtetiniń Zaısan-Ertis oblysaralyq basseındik ınspeksııasynyń qyzmetkerleri Ertis ózeninde, Belaıa ózeninde bolǵan reıd kezinde aspaly qozǵaltqyshy bar qaıyqta zańsyz balyq aýlaǵan brakonerdi ustady.
Qaıyqtan salmaǵy 4 keli Sibir bekiresi men salmaǵy 8,8 keli 14 sterlet balyǵy tabyldy. Balyq resýrstaryna keltirilgen jalpy shyǵyn 3 mıllıon 469 myń 771 teńgeni qurady.
Sırek kezdesetin jáne quryp ketý qaýpi tóngen balyq túrlerin zańsyz aýlaǵany úshin er adamǵa QR QK-niń 339-baby «sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan ósimdikter men janýarlar túrlerin, olardyń bólikteri men derıvattaryn zańsyz paıdalaný» boıynsha jaza qoldanylady. Atalǵan bap boıynsha kináli úsh jyldan jeti jylǵa deıin bas bostandyǵynan aıyrylýy múmkin.
Osyǵan baılanysty quqyq buzýshylyq jasalǵan jerge Pavlodar oblysy Maı aýdandyq polısııa bóliminiń jedel-tergeý toby shaqyrylyp, materıaldar qylmystyq is qozǵaý úshin berildi.
