Memleket basshysynyń 2020 jylǵy 1 qyrkúıektegi Qazaqstan halqyna Joldaýy sheńberinde jeke kýálikterdi berý prosesterin sıfrlandyrý jónindegi tapsyrmasy aıasynda IIDM Azamattyq avıasııa komıteti QR Sıfrlyq damý, ınnovasııalar jáne aeroǵarysh ónerkásibi mınıstrligimen, «Qazaqstannyń avıasııalyq ákimshiligi» AQ-men, Qazaqstan daǵy áýe kompanııalary jáne áýejaılarmen, «UAT» AQ-men jáne basqa da múddeli organdar men uıymdarmen birlesip, áýe kóliginde sıfrlyq qujattardy paıdalaný múmkindigi boıynsha jumystar júrgizýdi bastady.
Qazirgi ýaqytta sıfrlyq qujattar qyzmeti pılottyq rejımde Nur-Sultan jáne Almaty qalalarynyń áýejaılarynda iske qosylǵan.
«28 shildeden bastap joba Aqtóbe qalasynyń áýejaıynda da iske qosylady. Osy úsh qala arasyndaǵy turaqty reıstermen ushatyn jolaýshylar jeke derekterin rastaý úshin «Egov Mobile» mobıldi qosymshasy arqyly elektrondy jeke kýáligin usyna alady. Osylaısha, jolaýshylar sandyq jeke kýálikti qoldana otyryp, saıahattaıdy. Sıfrlyq qujattar qyzmetin paıdalanatyn jolaýshylar áýejaıda reıske tirkelý kezinde, sondaı-aq ushý aldyndaǵy tekserýden ótý kezinde «Egov Mobile» qosymshasynda jınaqtalatyn QR kodty kórsetýi tıis», delingen habarlamada.
Áýejaılarda sıfrlyq qujattar qyzmeti qazirgi ýaqytta pılottyq rejımde iske qosylýda. Atalǵan servısti paıdalanýdy josparlap otyrǵan jolaýshylardyń ózimen birge jeke kýáliginiń túpnusqasyn alyp júrgeni jón.
