Oblystyq densaýlyq saqtaý basqarmasy basshysynyń buıryǵymen munda koronavırýs juqtyrǵan naýqastarǵa arnalǵan 280 tósektik oryn qoıylǵan. Munyń syrtynda, 20 oryndyq jansaqtaý bólimi jumys isteıdi.
Densaýlyq saqtaý salasynyń basshylyǵy mundaı shuǵyl sheshimniń qabyldaný sebebi óńirdegi epıdemııalyq ahýaldyń ýshyǵyp bara jatqanymen baılanysty dep túsindirdi. Sońǵy táýlik ishinde oblysta 209 adamnan COVID-19 dıagnozy anyqtalǵan. Mamandar indettiń taralý qarqyny bir táýliktiń ishinde 1%-ǵa artty dep otyr.
27 shilde kúni saǵat 14.00-de qalalyq aýrýhana men aýrýhana janyndaǵy jaraqat pýnkti jabylyp, naýqastardy shuǵyl jáne josparly qabyldaýyn toqtatty. Budan bylaı naýqastar oblystyq aýrýhanada em alady.
Oblystyq densaýlyq saqtaý basqarmasynyń málimetinshe, qalalyq aýrýhanada jatqan naýqastardy densaýlyq jaǵdaıyna qaraı úıine shyǵarý nemese oblystyq aýrýhana ǵımaratyna aýystyrý jumystary júrip jatyr.
Qostanaı oblysy
