«Nazar aýdaryńyz, saýalnama Sýkerberg negizin qalaǵan áleýmettik jeliniń 20 jyldyǵyna oraı ótkiziledi!».
Facebook messendjeriniń paıdalanýshylaryna dál osyndaı habarlama kelip, 100 myń teńgege ıe bolý múmkindigi usynylatyn saýalnama taratylady. Silteme kvız-saıtqa ótedi - bul ınteraktıvti formatta usynylǵan saýalnamasy bar bir bettik saıt. Jalǵan saýalnamanyń sharttary boıynsha, paıdalanýshy tórt qarapaıym suraqqa jaýap berip, syılyqty tańdap, tapqan aqshasyn alýy kerek.
Facebook-tiń Garvard ýnıversıtetiniń stýdentterimen baılanysatyn saıt retinde qurylǵan kúni 2004 jyldyń 4 aqpany ekenin belgili. Demek, tanymal áleýmettik jeliniń 20 jyldyq mereıtoıyna deıin taǵy úsh jyl bar. Alaıda, bul barlyq paıdalanýshylardy toqtata bermeıdi. Kóptegen adamdar aqparatty teksermeı, suraqtarǵa jaýap bere otyryp, «sáttilikterin» tekserýdi jalǵastyrady.
Saýalnamadan keıin paraqshada syılyq qoraptary paıda bolady, olardyń arasynan bireýin tańdaý kerek. Árıne, olardyń kez kelgenin basý arqyly paıdalanýshy durys tańdaý jasaıdy jáne onyń «kezdeısoq» utysy 100 myń teńgeni quraıdy. Júlde utyp alǵandar qarajatty qolǵa shyǵarý úshin alaıaqtarǵa ózderiniń TAÁ, JSN, karta derektemelerin, bank kartasynyń artqy jaǵyndaǵy úsh tańbaly kodty jiberip, uıymdastyrýshylardyń shotyna salyq retinde belgili bir aqsha somasyn aýdarǵan jaǵdaıda, alaıaqtyq iske asady.
