Qaýly boıynsha:
Barlyq jańa qatysýshylar úshin «Ashyq» jobasyna qatysýǵa ótinimder InfoKazakhstan.kz saıtynda jáne onymen biriktirilgen Aitu, Halyk Bank jáne basqalary sııaqty platformalar arqyly beriledi.
Saıt arqyly ótinim berý úshin InfoKazakhstan.kz sýbekti (obekti):
1) zańdy tulǵanyń nemese dara kásipkerdiń elektrondyq sıfrlyq qoltańbasynyń (budan ári – ESQ) kómegimen InfoKazakhstan.kz basty betine kirýi jáne ESQ arqyly paıdalanýshynyń derekterin toltyrýy qajet;
2) avtorızasııadan keıin «Meniń ótinimderim» qoıyndysy avtomatty túrde ashylady, onda «Jańadan ótinim berý» batyrmasyn basý qajet;
3) «Jańa ótinim» qosymsha betine kire otyryp, kásipker ótinim nysanyn toltyrady jáne QR alýǵa suraý jiberedi. QR alý aldynda «Bilim bazasyn» júkteý (kirý kezinde ornalastyrý úshin ınfografıka, bas sanıtarııalyq dárigerdiń qaýlylary, Ashyq jobasy boıynsha jıi qoıylatyn suraqtarǵa jaýaptar jáne t. b.) jáne materıaldarmen tanysý qajet;
4) sýbekt (obekt) ruqsat berý qujattarynyń bar ekenin jáne sanıtarııalyq-epıdemıologııalyq talaptarǵa sáıkestigin rastaıdy. QR kody sýbektide mynadaı ruqsat berý qujattarynyń biri bolǵan kezde ǵana beriledi:
- ashýǵa ruqsat/habarlama (epıdemııalyq mańyzdylyǵy joǵary obektiniń sáıkestigi týraly sanıtarııalyq-epıdemıologııalyq qorytyndy nemese epıdemııalyq mańyzdylyǵy eleýsiz obektiler qyzmetiniń bastalǵany týraly habarlama);
- qyzmetti jańartý boıynsha sanıtarııalyq normalarǵa sáıkestik aktisi. Sáıkestik aktisin alý tártibi paıdalanýshynyń jeke kabınetinde qoljetimdi;
5) QR kodyn alýmen bir mezgilde bıznes sýbektisi onyń Ashyq jobasynyń qatysýshylaryna jatatyny-jatpaıtyny (osy qaýlyǵa 4-qosymshaǵa sáıkes jeńildiktermen jumys isteıdi) nemese erikti qatysýshy týraly habarlama alady.
QR-kodty alǵannan keıin paıdalanýshynyń jeke kabınetinde «kúzetshi rejımin» (JSN nemese kýálandyrýshy qujat boıynsha kelýshiniń mártebesin tekserýdi júzege asyrýǵa múmkindik beretin baǵdarlama) alýǵa nusqaýlyq kórinedi.
QR kodty alǵannan keıin Ashyq jobasynyń qatysýshysy testilik rejımde 1 apta jumys isteıdi.
Testilik rejımde 7 kún jumys istegennen keıin Ashyq jobasyna qatysýshylar týraly aqparat ákimdikterge beriledi jáne bir kún ishinde ákimdiktiń saıtynda ornalastyrylady.
