TOKYO2020 • 29 Shilde, 2021

Tórteý túgel bolsa...

854 ret kórsetildi

Tokıo Olımpıadasyna joldama alǵan qazaqstandyq atletterdiń arasynda Olga Rypakovanyń shoqtyǵy bıik. Ony qalyń oqyrmanǵa tanystyrýdyń qajeti shamaly. Buǵan deıin qatysqan Olımpıadalarda altyn (London-2012), kúmis (Beıjiń-2008) jáne qola (Rıo-2016) medal enshilegen Olga tórtinshi dodadasyna da júlde alý úshin kelgeni anyq. 

Álem chempıonattarynda úsh ret júldeger atanǵan jerlesimiz jabyq ǵımaratta ótken álemdik dodada da dál osyndaı jetistikke jetken. Rypakova 2010 jyly Horvatııada ótken týrnır­de úsh qarǵyp sekirýde 15,25 metrge se­kirip, Azııa rekordyn jańartty. Bú­gin­ge deıin bul rekordty sary qur­lyq­ta eshkim buza almaı keledi.

Olganyń halyqaralyq arenaǵa kóterilýi 2000 jyldyń 17 qazanynda bas­taldy. Sodan keıin Rypakova Chılıde ótken jasóspirimder arasyndaǵy álem chempıonatyna qatysty. 2002 jyly Iаmaıkada ótken álem chempıonatynda kúmis júldeger atandy. Mine, búginge deıin 20 jyl boıy etken eń­bek­tiń ar­qasynda joǵaryda aıtqan júl­de­lerge ıe boldy.

Pandemııaǵa baılanysty Olımpıada chempıony sońǵy eki jylda jarystarǵa kóp shyqqan joq. Bıyl Dohada ótken «Gaýhar lıgasy» kezeńine qatysyp, óz deńgeıin bir baıqady. Sodan beri ony úlken dodalardan kóre almadyq.

Tokıodaǵy oıyndarǵa keletin bolsaq, belgili bir nátıjeni boljaý múm­kin emes. Eger Rypakova 15 metrge sekirse, onda jeńiske degen múmkindik arta túsedi. Tipti bıik tuǵyrdan kórip qa­lýymyz da ǵajap emes. Búginde úsh qarǵyp sekirýden venesýelalyq Iýlımar Rohas 15,43 metrge sekirip, álemdik rekord ornatqanyn eskersek, Olga úshin altyn medaldiń aýyly alys sekildi. Al «kúmiske» nemese «qolaǵa» qol jetkizýge jerlesimizdiń múmkindigi bar.

Búgin – Rypakovanyń jarys jolyna shyǵatyn kúni. Olımpıada aldynda «bar kúsh-jigerimdi salamyn» degen Olga tym bolmasa úzdik úshtikten kórinse eken dep tileımiz.

Sońǵy jańalyqtar

«Qyzyl» aımaqta 2 megapolıs pen 4 oblys tur

Koronavırýs • Búgin, 11:20

Taǵy 1677 adamnan koronavırýs anyqtaldy

Koronavırýs • Búgin, 09:40

Qazaqstanda qansha adam vaksına saldyrdy?

Koronavırýs • Búgin, 09:00

9 sý qoımasy salynady

Ekologııa • Keshe

QHL: «Barys» «Lokomotıvten» jeńildi

Hokkeı • 22 Qazan, 2021

Bekire balyǵyn zańsyz aýlaǵandar ustaldy

Ekologııa • 22 Qazan, 2021

Belarýste maska rejımi joıyldy

Álem • 22 Qazan, 2021

Uqsas jańalyqtar