Sýarmaly sýdyń jetispeýshiliginen taǵy 70 gektarǵa jýyq jer keýip qaldy. Tyńaıtqyshtar qymbattady. Qosalqy bólshekter men JJM baǵasy kóterildi.
«Biz kúrishtiń naqty baǵasy 400 teńge deńgeıinde bolýy tıis dep esepteımiz. О́zindik quny qatty kóterildi. Egistikterdi sýmen qamtamasyz etý úshin qymbat sorǵylar satyp alyndy. Sýarý kanaldary tazartyldy. Bizde 270 adam jumys isteıdi, al agromaýsymda jumysshylar sany 300-ge deıin kóteriledi. Barlyǵynyń jalaqysyn ýaqytynda tóleý kerek», deıdi seriktestiktiń bas mamany Sábıt Prmanov.
Kúrish 19 áleýmettik mańyzy bar taýarlar tizimine kiredi. Shekti baǵalardy memleket belgileıdi. Úshinshi toqsanda ol 275 teńgeni quraıdy. Degenmen, naryqta astyqtyń bir kılogramy ortasha eseppen 220-dan satylady.
«Jyl basynan beri 15 jármeńke ótkizildi. 500 tonnadan astam kúrish naryqtyq baǵadan 15-20%-ǵa tómen satyldy. Búgingi tańda oblysta astyq qory quryldy. Tapshylyq joq», dep naqtylady oblystyq aýyl sharýashylyǵy basqarmasy bólim basshysynyń mindetin atqarýshy Júsipbek Ájibekov.
Qazirgi agrosezonda oblystyń 550 kúrish sharýashylyǵy jalpy alǵanda 83 myń gektarǵa jýyq daqyl aldy. Bul ótken jylmen salystyrǵanda 6600 gektarǵa az.
