«Qarasora-2021» Respýblıkalyq jedel-izdestirý is-sharalary aıasynda Jambyl oblysy PD esirtki qylmysyna qarsy is-qımyl basqarmasynyń qyzmetkerleri Shý aýdanynyń balyq aýlaý aldy aımaǵynda jedel-izdestirý is-sharalaryn júrgizý kezinde 47 jastaǵy jergilikti turǵyndy qamaýǵa aldy.
Tintý barysynda odan jalpy salmaǵy 598 keli 780 gramm «marıhýana» esirtki zaty tabylyp, tárkilendi. Tárkilengen zattyń salmaǵy shamamen jeti mıllıon dozany quraıdy. Qara naryqta esirtkiniń mundaı mólsheriniń quny shamamen 60 mıllıon teńgeni quraıdy.
QR QK 297-baby 3-bóligi «Esirtkini ótkizý maqsatynda asa iri mólsherde zańsyz saqtaý» boıynsha sotqa deıingi tergeý bastaldy. Atalǵan qylmys úshin múlkin tárkileı otyryp, 10 jyldan 15 jylǵa deıingi merzimge bas bostandyǵynan aıyrý qarastyrylǵan, dedi Jambyl oblysy PD ÝPN bastyǵy Asqar Jumabekov.
