1 tamyz kúni saǵat 23:40-ta Qaraǵandyda kópqabatty úıdiń besinshi qabatyndaǵy páterdiń terezesinen 2017 jyly týǵan bala qulap ketti.
Aldyn ala málimet boıynsha, bala eresekterdiń qaraýynsyz qalǵan. Ol Maqajanov atyndaǵy klınıkaǵa jetkizildi.
«Balada biraz jaraqat bar - jabyq keýde jaraqaty, oń jaq ókpeniń kógerýi. Eki aıaǵy birneshe jerden jaraqattanǵan. Iek aımaǵynyń kógergen jarasy. Ishtiń jaraqaty. Jaǵdaıy turaqty, qazirgi ýaqytta jansaqtaý bóliminde jatyr», dep habarlady Qaraǵandy oblysy densaýlyq saqtaý basqarmasynyń baspasóz qyzmeti.
Qutqarýshylardyń aıtýynsha, eresekter qaraýynsyz qalý - balalardyń jaraqattanýy men óliminiń negizgi sebebi bolyp otyr. Osyǵan baılanysty oblystyń TJD qyzmetkerleri ata-analardan kishkentaı balasyn muqııat qadaǵalaýdy, olardy terezesi ashyq úıde jalǵyz qaldyrmaýdy suraıdy.
