Prezıdent • 02 Tamyz, 2021

Baqytjan Saǵyntaev Memleket basshysyna esep berdi

39 ret kórsetildi

Memleket basshysy Qasym-Jomart Toqaev Almaty ákimi Baqytjan Saǵyntaevtyń esebin tyńdady, dep habarlaıdy Egemen.kz Prezıdenttiń Baspasóz hatshysy Berik Ýálıdiń feısbýktegi jazbasyna silteme jasap.

Prezıdent Qasym-Jomart Toqaev Almaty qalasynyń ákimi Baqytjan Saǵyntaevpen shahardaǵy koronavırýs indetiniń taralýyna qarsy atqarylyp jatqan sharalar jáne qalanyń ınfraqurylymyn damytý máselelerin telefon arqyly talqylady.

Baqytjan Saǵyntaevtyń aıtýynsha, «delta» shtamynyń taralýyna baılanysty Almaty qalasyndaǵy epıdemıologııalyq jaǵdaı kúrdeli bolyp tur. О́tken aptada indet juqtyrý 1,5 ese artyp, 6397-den 9852-ge jetken. Bir táýlikte vırýs juqtyrý 1,7 paıyzǵa kóbeıgen. Sońǵy táýlikte jańadan 1540 naýqas tirkelse, olardyń 1404-inde indettiń belgileri bar.

Naýqastar sanynyń artýyna baılanysty qosymsha juqpaly aýrýlar aýrýhanalary ashylýda. Qazir 7625 naýqas em qabyldap jatyr, 2400 oryndyq tósek-oryn qory jasaqtaldy.

Qalanyń dárihana jelisin dári-dármekpen qamtamasyz etý maqsatynda 5 mıllıard teńge kóleminde turaqtandyrý qory quryldy. 68 túrli dári-dármektiń qajetti mólsheri jasaqtaldy. Qalanyń medısınalyq uıymdary dári-dármek pen jeke qorǵanysh quraldarynyń eki aılyq qory qamtamasyz etilgen.

Turǵyndarǵa jappaı ekpe salý jalǵasyp jatyr. Qalada 167 vaksına salý pýnkti jumys istep tur. 2 tamyzdaǵy jaǵdaı boıynsha 725 575 adamǵa ekpeniń birinshi komponenti, 510 989 turǵynǵa ekinshi komponenti salynǵan.

Memleket basshysy Almaty qalasynyń ákimine koronavırýs indetiniń taralýyna jol bermeý boıynsha jumysty kúsheıtýdi jáne shekteý sharalarynyń saqtalýyn qatań baqylaýǵa alý jóninde tapsyrma berdi.

Áńgimelesý barysynda Baqytjan Saǵyntaev Qasym-Jomart Toqaevqa Naýryzbaı aýdanyna qosylǵan yqsham aýdandardaǵy turǵyndardy sapaly aýyz sýmen qamtamasyz etý jáne Abaı dańǵylyn qala shekarasyna deıin uzartý jóninde baıandady. Sonymen qatar qalanyń tarıhı ortalyǵyndaǵy qurylystardy shekteý máseleleri kóterildi.

Sońǵy jańalyqtar

Taǵy 1677 adamnan koronavırýs anyqtaldy

Koronavırýs • Búgin, 09:40

Qazaqstanda qansha adam vaksına saldyrdy?

Koronavırýs • Búgin, 09:00

9 sý qoımasy salynady

Ekologııa • Keshe

QHL: «Barys» «Lokomotıvten» jeńildi

Hokkeı • 22 Qazan, 2021

Bekire balyǵyn zańsyz aýlaǵandar ustaldy

Ekologııa • 22 Qazan, 2021

Belarýste maska rejımi joıyldy

Álem • 22 Qazan, 2021

Uqsas jańalyqtar