Koronavırýs • 03 Tamyz, 2021

Indet barlyq aýdannan anyqtalyp jatyr

36 ret kórsetildi

Jýyrda Densaýlyq saqtaý mınıstri A.Soı Soltústik Qazaqstan oblysynda sońǵy eki aptada indet juqtyrý 3,5 ese óskenin aıtty. Al sol kezde jalpy respýblıkadaǵy ósim 1,9 ese bolǵan. Osynyń ózi Qyzyljar óńirindegi ahýal alańdatarlyq ekenin kórsetip tur.

Oblys ákiminiń orynbasary Asqar Saqypkereev, Sa­nı­­tar­lyq-epı­de­mıo­lo­gııalyq­­­­baqylaý depar­ta­men­ti­niń bas­tyǵy Áset Jumataev ob­lys­taǵy epıdemııalyq jaǵ­daı jáne indetke qarsy kúrestiń barysy týraly baıandap berdi.

Oblysta PTR-zertteý júr­gi­zetin tórt zerthana jumys is­teıdi. Pandemııa kezeńinen bas­tap, oblys boıynsha KVI-diń bar-joǵyn tekserý maqsatynda 393 726 zertteý júrgizildi. Onyń 4,2%-y, ıaǵnı 17 583-i – KVI anyqtalǵan nátıje. О́tken táýlikte PTR ádisimen 1 183 zertteý júrgizildi.

О́tken táýlikte 152 jaǵdaı tirkeldi, onyń ishinde 131-i (86%) – aýrý belgileri bar jáne 21-i (14%) – aýrý belgileri joq jaǵdaı. Aýdandar bo­ıynsha aıtsaq, Aqqaıyń aýdanynda – 2, Ǵ.Músirepov aýdanynda – 2, Aqjar aýdanynda – 4, Tımırıazev aýdanynda – 4, Ýálıhan aýdanynda – 4, Jambyl aýdanynda – 6, Mamlıýt aýdanynda – 6, Esil aýdanynda – 7, M.Jumabaev aýdanynda – 7, Taıynsha aýdanynda – 11, Shal aqyn aýdanynda – 11, Qyzyljar aýdanynda – 13, Aıyrtaý aýdanynda – 17, Petropavl qalasynda 59 jaǵdaı tirkeldi.

Kórip otyrǵanymyzdaı, óńirdiń barlyq aýmaǵynda jaman indet tirkelgen. Byltyr mundaı kúrt ósim bolmaǵan edi. Onyń ústine shalǵaıdaǵy aýdandarda naýqastar sanynyń ósimi birshama turaqty bolǵan. Bıylǵy kúrt ósim epıdemııalyq ahýaldyń barynsha turaqsyz ekenin aıqyndaıdy.

Syrqattanǵandardyń 92%-yn­­­­da indettiń sımp­tom­dary baı­qalyp otyr. So­nymen qa­tar bıylǵy jaǵ­daıda aýyr­ǵan­dar­dyń jasy ózgerdi. Qa­zirgi ýaqytta naýqastardyń 57%-y – 40 jastan kishi. Buryn bul kórsetkish 40%-dan aspaıtyn.

Mamandar aýrýdyń kúrt ósýi respýblıka aýmaǵyndaǵy «Delta» shtamynyń aınalymynan, sondaı-aq halyqtyń ka­ran­tın sharalaryn saq­taý jó­nindegi tártibiniń tómen­de­ýine baılanysty degendi aıtty. Rasynda sońǵy ýaqyttarda kó­shede betperdemen júretin­der múlde joq. Halyq tek ǵı­marat­tarǵa kirgende ǵana bet­perdesin kıip jatady, al qalanyń bu­rysh-buryshyndaǵy kishi­gi­rim dúkenderde tipti taq­paı da júre berýge bolady.

191 340 adam vaksınanyń birinshi komponentin saldyrdy, bul – jalpy halyqtyń 60,6%-y. Al ekinshi komponentpen saldyrǵan sany – 130 551. О́ziniń sózinde Sanıtarlyq-epıdemıologııalyq baqylaý departamentiniń bastyǵy Áset Jumataev: «Vaksına – bizdi COVID-19-dan qorǵaıtyn jal­ǵyz mehanızm. Qazir vırýs joıylmaı, mýtasııaǵa ushy­raý­da, aýrý qaıtadan ósýde. Árbir ot­basy aýrýǵa tap boldy jáne bári densaýlyqty qalpyna kel­ti­rý qanshalyqty qıyn ekenin túsinedi. Vırýsqa qarsy biz tolyqtaı qarýlanýymyz kerek, bul úshin vaksına saldyrýǵa bá­ri­miz durys kózqaraspen qara­ıyq», dedi.

 

Soltústik Qazaqstan oblysy

 

Sońǵy jańalyqtar

«Qyzyl» aımaqta 2 megapolıs pen 4 oblys tur

Koronavırýs • Búgin, 11:20

Taǵy 1677 adamnan koronavırýs anyqtaldy

Koronavırýs • Búgin, 09:40

Qazaqstanda qansha adam vaksına saldyrdy?

Koronavırýs • Búgin, 09:00

9 sý qoımasy salynady

Ekologııa • Keshe

QHL: «Barys» «Lokomotıvten» jeńildi

Hokkeı • 22 Qazan, 2021

Bekire balyǵyn zańsyz aýlaǵandar ustaldy

Ekologııa • 22 Qazan, 2021

Belarýste maska rejımi joıyldy

Álem • 22 Qazan, 2021

Uqsas jańalyqtar