Aýmaqtyq sanıtarlyq-epıdemıologııalyq baqylaý basqarmalarynyń mamandary úı karantınin buzǵan «qyzyl» statýsy bar kelýshilerge qatysty hattama jasady.
Eger karantındegi naýqas sanıtarlyq-epıdemıologııalyq talaptardy saqtamaı, ózin-ózi oqshaýlaý rejımin buzsa jáne ózgelerge qasaqana juqtyrý qaýpin týdyrsa, zańǵa sáıkes oǵan 30 AEK nemese 87 510 teńge mólsherinde ákimshilik aıyppul salynady.
«Qyzyl» jáne «sary» statýsy bar adam ózin-ózi oqshaýlaý tártibin erikti shara, ony qatań saqtaý mindet emes dep sanaıdy. Osylaısha ózgelerge qaýip týdyratynyn túsinbeı, emin-erkin serýendep júredi. О́ıtkeni, vırýs adam aǵzasyna túskennen keıin biraz ýaqyt ınkýbasııalyq jaǵdaıda bolady, al ony juqtyrǵan adam ózgelermen qarym-qatynas jasaı otyryp, ınfeksııany taratatynyn túsinbeıdi», dep atap ótti onlaın-brıfıng barysynda Nur-Sultan qalasynyń Bas memlekettik sanıtarlyq dárigeri Sarhat Beısenova.
Esterińizge sala keteıik, naýqastarmen baılanysta bolǵan, alaıda COVID-19-dyń teris PTR-test nátıjesi bar adamnyń «sary» statýsy 14 kúnge deıin saqtalady.
