Medısına • 05 Tamyz, 2021

Jedel járdem naýqasqa bes kúnnen keıin kelgen

25 ret kórsetildi

Qazaqstan halqy jedel járdemniń pandemııaǵa qarsy jumysynyń sapasyn baǵalady. Memlekettik qyzmet kórsetý sapasyn baǵalaý úshin júrgizilgen qoǵamdyq monıtorıng nátıjeleri boıynsha respondentterdiń 10 paıyzy jedel járdemniń baıaý jumysy týraly málimdedi, dep habarlaıdy Egemen.kz energyprom.kz-ke silteme jasap.

Saýalnama kórsetkendeı, kóp jaǵdaıda azamattardyń 82,5 paıyzy jedel járdem qyzmetine 4,69 ortasha ballmen qanaǵattanǵan.

Azamattardyń «103» - ke shaqyrý jaǵdaılarynyń 97,7 paıyzy qabyldandy, al 2,3 paıyz azamattarǵa ótinish berý úshin basqa nómir berilgen.

Jedel járdem kórsetý erejesi boıynsha dıspetcherge qońyraý túsken sátten bastap brıgada shaqyrý ornyna shuǵyldyǵyna baılanysty 10-60 mınýt ishinde kelýi tıis. Respondentterdiń 85,4 paıyzy jedel járdemdi kútý merzimderi belgilengen normatıvterge sáıkes keletinin kórsetti. Jaǵdaılardyń 10,4 paıyzynda jedel járdemniń shaqyrýǵa kelýi bir saǵattan astam ýaqytty qurady, taǵy 4,2 paıyz qatysýshylar jedel járdemniń naqty kútý ýaqytyn esine túsire almady. Keıbir jaǵdaılarda jedel járdem qyzmetin tórt saǵat nemese tipti bes kún kútýge týra kelgeni anyqtaldy.

Respondentterdiń 94,8 paıyzy dárigerler pasıentterge qajetti kómek kórsetkenin aıtty. Jaǵdaılardyń 47,4 paıyzynda úıde kómek kórsetildi, 35,2 paıyzynda feldsherler naýqastardy aýrýhanaǵa jetkizdi. Qyzmet alýshylardyń 1,9 paıyzy jedel járdem brıgadasy qajetti kómek kórsetpeı ketkenin atap ótti.

Jalpy, jedel járdem qyzmetkerleriniń «sypaıylyq jáne qajettilikterge nazar aýdarý» sanaty boıynsha jumysy azamattardy 88,3 paıyzǵa qanaǵattandyrdy. Eń tómen baǵa Shyǵys Qazaqstan, Mańǵystaý jáne Batys Qazaqstan oblystaryndaǵy brıgadalarǵa berildi.

Sońǵy jańalyqtar

Kabýlda jarylys boldy

Oqıǵa • Búgin, 17:08

Otandyq fılmderdiń úlesi artady

Qazaqstan • Búgin, 16:20

Almatyda baqylaý kúsheıtildi

Koronavırýs • Búgin, 14:08

Aqsha emes, abyroı qymbat

Boks • Búgin, 13:04

Kúrshim ózeni de lastana bastady

Ekologııa • Búgin, 12:38

Tiliksiz ota jasaldy

Medısına • Búgin, 12:20

Uqsas jańalyqtar