Memleket basshysynyń «Egis dalasynan dúken sóresine deıin» atty pılottyq jobasyn júzege asyrý maqsatynda qala ákimi Murat Áıtenov shaharda áleýmettik dúkender sanyn kóbeıtýdi tapsyrǵan.
⠀
Osy maqsatta qalada azyq-túlik baǵalaryn turaqtandyrý sharalary aıasynda «Áleýmettik dúkender» sanyn arttyrý úshin iri sharýashylyqtyń biri - mal bordaqylaýmen aınalysatyn «Qasqasý-S» ShQ-na aınalymǵa 200 mln teńge qaryz qarajat berilip, kelisimshart jasalǵan.
⠀
Búgin atalǵan kelisimshart aıasynda Nursát shaǵynaýdany, Nazarbekov kóshesi 12/5 mekenjaıynda «QAZ ET» áleýmettik dúkeniniń ekinshi núktesi iske qosyldy. Áleýmettik dúkendegi et ónimderi belgilengen baǵa boıynsha satylatyn bolady.
⠀
Aldaǵy ýaqytta sharýa qojalyq halqy tyǵyz ornalasqan aımaqtarda jyl sońyna deıin 2 áleýmettik dúken jáne 4 jyljymaly et ónimderin satatyn saýda núktelerin iske qosýdy josparlap otyr.
Áleýmettik dúkender sanyn arttyrý, baǵany turaqtandyrý sharalary qala ákiminiń tikeleı nazarynda.
