Elorda • 05 Tamyz, 2021

Eki kún ishinde elordada 16 mekeme karantın talaptaryn buzdy

18 ret kórsetildi

Elordanyń monıtorıng toptary kún saıyn qaladaǵy 100-den astam kásipkerlik nysanynda karantın talaptarynyń saqtalýyn tekseredi, dep habarlaıdy Egemen.kz qala ákimdigine silteme jasap.

Tamyzdyń 3-4 aralyǵynda monıtorıng toptary elordadaǵy 16 mekemeni ákimshilik jaýapkershilikke tartty. Almaty aýdanynda «Ryba moeı mechty» karaoke klýby karantın rejımin saqtamaı jumys istedi. Erteńinde osy jaǵdaı «Mansion» karaoke barynda da anyqtaldy.

Maska rejımin saqtamaý, áleýmettik qashyq pen karantın rejımin saqtamaý Baıqońyr aýdanynyń 4 mekemesinde anyqtaldy. Bul «Ámir» bazary, «12 aı» dúkeni, «Boroda» jáne «Muller» barlary.

4 tamyzda taǵy eki mekeme - «Small» dúkeni men «Mıata» laýndj bary bas sanıtar dárigeriniń qaýlysyn buzǵan. Saryarqa aýdanynda 2 kún ishinde monıtorıng toptary «Samuryq» dámhanasy men «Semeınaıa» monshasynda, sondaı-aq «Shashlyk na naberejnoı» jáne «Playstation Club» kafelerinde buzýshylyqtardy anyqtady.

Jumys rejımin buzý, jazǵy dámhananyń jumys isteýi, kelýshiler men ákimshilik qyzmetkerlerdiń betperde rejımin saqtamaýy, sondaı-aq áleýmettik qashyqty saqtamaý Esil aýdanyndaǵy «Lavash Food» fast-fýd pýnktinde, «Panaehalı», «baHabar» barlarynda jáne «Gold Game» kompıýter klýbynda anyqtaldy. Tártip buzýshylarǵa qatysty jınalǵan materıaldar tıisti sharalar qabyldaý úshin sanıtarııalyq-epıdemıologııalyq baqylaý salasyndaǵy ýákiletti organǵa berildi.

Eske sala ketsek, Nur-Sultandaǵy epıdemıologııalyq jaǵdaı qubylmaly, táýlik saıyn qalada KVI juqtyrýǵa qatysty 1,3 myń jaǵdaıy anyqtalady, koronavırýs juqtyryp, aýyr jaǵdaıda 300-ge jýyq adam aýrýhanaǵa jatqyzyldy.

Sońǵy jańalyqtar

Kabýlda jarylys boldy

Oqıǵa • Keshe

Almatyda baqylaý kúsheıtildi

Koronavırýs • Keshe

Tiliksiz ota jasaldy

Medısına • Keshe

Uqsas jańalyqtar